۸صبح، تخار: منابع محلی در ولایت تخار میگویند که نیروهای مرزی تاجیکستان سه قاچاقچی اهل افغانستان را کشتهاند.
منابع روز شنبه، ۶ حوت، میگویند که این قاچاقچیان مواد مخدر زمانی مورد هدف نیروهای مرزی تاجیکستان قرار گرفتند که از مسیر روستای بوستان ولسوالی درقد ولایت تخار، داخل خاک تاجیکستان شده بودند.
منابع میافزایند که در جمع قاچاقچیان کشتهشده دو طالب نیز هستند.
دو تن از این قاچاقچیان در دریای آمو غرق شدهاند که جسد یک تن آنان از میان آب در ولسوالی خواجهغار تخار بیرون کشیده شده و یک تن دیگر تاکنون ناپدید است.
ولسوالیهای درقد، دشت قلعه، خواجهبهاوالدین، چاهآب و خواجهغار تخار، با تاجیکستان هممرز هستند.
این در حالی است که تاجیکستان همواره از انتقال مواد مخدر و «تروریستان» از خاک افغانستان ابراز نگرانی کرده است.