د پاکستان له زندانونو ۳۰ افغانان خوشي شول
۸صبح، کابل: پاکستان کې د افغانستان سفارت اعلان کړی، ۳۰ تنه افغانان چې په کراچۍ ښار کې زنداني وو، خوشي شوي دي.
دغه افغانان دوشنبه د لړم پر ۱۶ د پاکستان له زندانونو خوشي شوی او افغانستان ته لېږدول شوي دي.
دغه شمېر افغان وګړي د اقامت قانوني اسنادو د نه لرلو له امله د پاکستاني پولیسو له خوا نیول شوي وو.
پاکستان کې د افغانستان سفارت چې د طالبانو تر ادارې لاندې دی وایي، دغه کسان د ډیپلوماتیکو هڅو په پایله کې خوشي شوي دي.
مخکې داسې راپور رارسېدلی چې د ماشومانو او ښځو په ګډون سلګونه افغانان د قانوني اسنادو د نه لرلو له امله د پاکستان په زندانونو کې دي.
