یو ځوان افغان لوبغاړی ایران کې په مرموز ډول وژل شوی
۸صبح، هرات: سرچینو په ایران کې د یوه ځوان افغان ورزشکار د مرموزې مړینې خبر ورکړی دی.
د دغه افغان لوبغاړي محمد شعیب حیدري خپلوانو پنجشنبې د لړم په ۱۹مه رسنیو ته وویل چې نوموړی روانه اونۍ د ایران په مشهد ښار کې په مرموز ډول وژل شوی دی.
د محمد شعیب حیدري د وژنې لامل او څرنګوالی لا هم معلوم نه دی.
ایراني چارواکو تر اوسه په دې اړه څه نه دي ویلي.
د هرات ولایت اوسېدونکی محمد شعیب حیدري په بېلابېلو سپورتونو برخو کې مډالونه ګټلي وو.
