په افغانستان کې د ملکي وګړو په وژلو تورن استرالیايي سرتېری مجرم وپېژندل شو
۸صبح، کابل: لوېدیځو رسنیو خبر ورکړی، چې د فدرال محکمې یوه قاضي موندلې چې استرالیايي سرتېري بین رابرټز سمیت په افغانستان کې د ماموریت پر مهال د یوه ملکي وګړي د وژلو امر صادر کړی دی.
د ګارډین د رپوټ له مخې، د اسټرالیا یوه فدرالي قاضي انتوني بسانکو د پنجشنبې په ورځ، د غبرګولي په ۱۱مه ویلي دي، چې احتمالاً د استرالیا تر ټولو مخکښ ژوندي سرتېری رابرټز سمېټ په ۲۰۱۲ کال کې د افغانستان په سوېل کې یو لاس تړلی بندي په لغتو وهلی او بیا یې تر خپلې قوماندې لاندې یوه استرالیايي سرتېري ته امر کړی چې ډزې پرې وکړي.
سمېت، په ۲۰۰۹ کې د هغه بوډا سړي د اعدام امر صادر کړ چې په یوه تونل کې چې بم پکې ځای پر ځای شوی و، پټ و او په ورته ماموریت کې یې یو معلول سړی هم وژلی دی.
د رپوټونو له مخې، په دې اړه نور جزئیات به د راتلونکې اوونۍ د دوشنبې په ورځ د ملي امنیت له نظره د محکمې د پرېکړې له څېړلو وروسته، د ګډو ګټو د هېوادونو له لوري خپاره شي.
رابرټز سمېت د اسټرالیا تر ټولو ویاړمن ژوندی سرتیری او د ویکټوریا مډال ګټونکی دی.
تر دې مخکې په ۲۰۱۸ کال کې د ایج، سیدني مارنینګ هرالد او کینبرا ټایمز په ګډون یو شمېر لوېدیځو رسنیو یو لړ مقالې خپرې کړې چې په هغو کې سمېټ د افغانستان په سویل کې د ملکي خلکو د وژنې په ګډون په جنګي جنایتونو تورن شو.
