پروان کې یوه موسسه د مسلکي زده کړو په برخه کې مېرمنو ته روزنه ورکوي

۸صبح، پروان: د «کف» په نامه یو بنسټ په پروان کې سلګونو بېوزلو مېرمنو ته د مسلکي زده کړو زمینه برابروي.

پروان کې د کف موسسې مسوولې نظمي ایوبي یکشنبه د زمري پر شپاړسمه ۸صبح ورځپاڼې ته وویل، چې دا موسسه د کرکیلې، روغتیا او لیک لوست په برخو کې مېرمنې روزي.

د هغې په وینا، د شپږ میاشتو په مخه د پروان په بېلابېلو سیمو کې د مسلکي زده کړو دا پروګرام غځوي.

هغه د دغه پروګرامو موخه د کورنیو اقتصادي وده او د مېرمنو ځانبسیاینه بللې ده.

دا پروګرام په داسې حال کې په پروان کې پيل شوی، چې طالبانو پر افغانستان له ولکې سره سم پر مېرمنو کلک بندیزونه لګولي دي.

ورته لیکنې

Back to top button