د فاریاب په شیرینتګاب کې اورلګېدنه؛ تر اوسه اته هټۍ سوځېدلې دي
۸صبح، فاریاب: فاریاب کې سیمهییزې سرچینې د شیرینتګاب ولسوالۍ په بازار کې د اورلګېدنې خبر ورکوي.
دغه اورلګېدنه یکشنبه د لړم پر ۲۹ له غرمې مخکې ۱۱:۰۰ بجې د شیرینتګاب ولسوالۍ په بازار کې پیل شوې او لا هم دوام لري. تر اوسه اته هټۍ سوځېدلي دي.
د سرچینو په وینا خلک هڅه کوي اور مړ کړي؛ خو د امکاناتو او د اوروژنې ځواکونو نشتون د اور د زیاتېدو لامل شوی دی.
