اندراب کې د مقاومت جبهې قوماندان خیرمحمد اندرابي ووژل شو
۸صبح، بغلان: باوري ځایي سرچینې ۸صبح ورځپاڼې ته تاییدوي، چې د مقاومت جبهې مهم قوماندان خیرمحمد اندرابي له طالبانو سره له اوږدې نښتې وروسته وژل شوی دی.
ښاغلی اندرابي او ورسره کسان یکشنبه شپه د مرغومي پر څلورمه نېټه د اندراب د پلحصار ولسوالۍ په اړوند تغانک سیمه کې له طالبانو سره له څو ساعته نښتې وروسته وژل شوی دی.
سرچینې جوتوي، چې په دې نښته کې د مقاومت جبهې نږدې ۳۰ تنه ځواکونه مړه او ټپیان شوي دي.
سرچینې همداراز زیاتوي، چې په دې نښته کې طالبانو ته هم درانه تلفات اوښتي دي.
د طالبانو او مقاومت جبهې ځواکونو ترمنځ له تېرې شپې راهیسې سختې نښتې دوام لري.
په همدې حال کې د مقاومت جبهې ویاند صبغتالله احمدي پر خپلې فېسبوکپانې د یوه پیغام په خپرولو د خیرمحمد اندرابي وژل کېدل تایید کړي دي.
طالبانوو د دغو نښتو په تړاو څه نه دي ویلي.
دا د هوا له سړېدو سره له یوه میاشت ځنډ وروسته د بغلان په اندرابونو کې لومړنۍ نښته ده چې له تېرې ورځې راهیسې دوام لري.
