سپین بولدک کې پاکستاني پوځیان او طالبان سره نښتي دي
۸صبح، کندهار: کندهار کې یوه ځایي سرچینه په سپین بولک بندر کې د طالبانو او پاکستاني پوځیانو ترمنځ د نښتې خبر ورکوي.
نښته یکشنبه د لیندۍ پر شلمه نېټه د سپین بولدک بندر دروازې ته نږدې د پلټنې په یوه تمځای کې شوې ده.
په همدې حال کې د طالبانو له منځه سرچینې الجزیرې سره په اړیکه کې د دې ډلې د جنګیالیو او پاکستاني پوځیانو ترمنځ یو ساعت نښته تایید کړې ده.
د سرچینو په وینا اوسمهال وضعیت بېرته عادي شوی دی.
طالبان او پاکستاني پوله ساتونکي له دې وړاندې هم په سپين بولدک بندر کې سره نښتي دي.
