د مقاومت جبهې ادعا: کاپيسا کې مو درې طالبان ووژل

۸صبح، کاپيسا: د مقاومت جبهه ادعا کوي، چې کاپیسا کې د طالبانو پر یوې پوستې د دې جبهې د ځواکونو په برید کې ۳ طالبان وژل شوي او ۲ نور ټپیان دي.

د مقاومت په جبهه کې یوه معتبره سرچینه چهارشنبه د سلواغې پر پنځمه ۸صبح ورځپاڼې ته وایي، چې دغه برید سه شنبه شپه ۱۲:۳۰ بجې شاوخوا د کوهستان د دویمې حصې ولسوالۍ په «پل خواجه ها» سیمه کې د طالبانو پر یوې پوستې شوی دی.

د سرچینې په وینا، په دې برید کې د مقاومت جبهې ځواکونو ته زیان نه دی رسېدلی.

ځایي سرچینو هم په دې سیمه کې نښته تایید کړې ده.

طالبانو تر اوسه په دې اړه څه نه دي ویلي.

د ویلو ده، چې له یوه کال راهیسې د کاپیسا ولایت د کوهستان د دوهمې حصې ولسوالۍ په «پل خواجه ها» سیمه کې د طالبانو پر دغې پوستې د مقاومت جبهې له خوا څو ځله بریدونه شوي دي.

ورته لیکنې

Back to top button