زابل کې له پاکستاني پوځیانو سره د طالبانو نښته؛ ۳ پاکستاني پوځیان مړه او ۲ طالبان ټپیان شول
۸صبح، زابل: زابل کې ځایي سرچینې د دغه ولایت اړوند برخو کې له پاکستاني پوځیانو سره د طالبانو له نښتې خبر ورکوي.
یوه باوري ځایي سرچینه پنجشنبه د وږي پر لسمه ۸صبح ورځپاڼې ته وایي، چې دغه نښته دوې ورځې مخکې د زابل ولایت د شملزوی ولسوالۍ په زنځیز سیمه کې شوې ده.
د سرچینو په وینا نښتې درې ساعته دوام کړی، چې په پایله کې یې ۳ پاکستاني سرتېري وژل شوي او د طالبانو دوه کسان ټپیان شوي دي.
سرچینې د نښتې لامل د افغانستان خاورې ته د پاکستاني سرتېرو دننه کېدل بولي.
طالبانو او د پاکستان حکومت تر اوسه په رسمي توګه په دې هکله څه نه دي ویلي.
طالبان او پاکستاني پوځیان له دې مخکې هم په ډیورنډ کرښه کې سره نښتي دي.
