طالبان: محمود کرزی د حقوقي ستونزو له امله ممنوعالخروج شوی دی
۸صبح، کابل: د طالبانو مرستیال ویاند وایي، چې د حامد کرزي ورور او د مخکیني حکومت د ښار جوړولو وزیر محمود کرزی د حقوقي ستونزو له امله ممنوعالخروج شوی دی.
د طالبانو مرستیال ویاند بلال کریمي دغه موضوع یکشنبه د لړم پر ۱۵ بیان کړې ده.
هغه د محمود کرزي د نیول کېدو ادعا رد کړې ده.
دا په داسې حال کې ده، چې د یو شمېر رسنیو د راپورونو له مخې د ښار جوړولو پخوانی وزیر کله چې غوښتل یې شنبه مازدیګر عربي متحده اماراتو ته ولاړ شي د کابل په هوایي ډګر کې د طالبانو له خوا نیول او یوه نامعلومه ځای ته لېږدول شوی دی.
د ویلو ده، چې محمود کرزی په دې وروستیو کې کابل ته ستون شوی و.
محمود کرزي تر اوسه په دې اړه څه نه دي ویلي.
