د مقاومت جبهې د عملیاتو نوی فصل؛ احمدي په کابل کې د طالبانو پر تعلیمي مرکز د برید ادعا وکړه
۸صبح، کابل: د ملی مقاومت جبهې ویاند صبغت الله احمدی د طالبانو پر وړاندې د دې جبهې د عملیاتو د نوی فصل د پیل خبر ورکړ.
د ملي مقاومت جبهې ویاند په خپله ټویټر پاڼه د چهار شنبې په ورځ (وري ۹) د کابل په پلچرخي سیمه کې د طالبانو پر تعلیمي مرکز د دغې جبهې د ځواکونو د برید ویډیو خپره کړې ده.
احمدي لیکلي: «دا برید زموږ د ځواکونو د چریکي عملیاتو پیل دی چې په نوي فصل کې د طالبانو د وحشت په وړاندې له خلکو څخه دفاع وکړو. وخت: تیره شپه، ځای: د کابل د پلچرخي ښوونیز مرکز، د طالبانو د ځانګړې قطعې پوسته.
صبغت الله احمدي ادعا وکړه، چې په دې برید کې وسله والو طالبانو ته درانه تلفات اوښتي دي. خو نوموړي د طالبانو د مرګ ژوبلې کره شمېره نه ده په ډاګه کړی.
د ملي مقاومت جبهې ویاند ویلي، چې له دې وروسته به هم دا ډول بریدونه دوام ولري.
د یادولو وړ ده، چې د روان هجري لمریز کال له پیل راهیسې دا لومړی ځل دی چې د ملي مقاومت جبهې پر طالبانو برید کوي.
