۸صبح، کابل: کابل کې سرچینې د طالبانو له خوا د نجونو پر زدهکړو د بندیز پر ضد د یو شمېر لاریونکوونکو او خبریالانو د نیولو خبر ورکوي.
دغه لاريونکوونکي پنجشنبه د مرغومي پر لومړۍ نېټه سهار شاوخوا لس بجې د طالبانو له لوري په وحشيانه ډول له وهلو ټکولو وروسته نیول شوي.
د سرچينو د معلوماتو له مخې، طالبانو پنځه ښځينه لاريونکوونکي او درې خبريالان چې د دغو لاريونونو د پوښښ لپاره تللي وو، نيولي دي.
سرچینه زیاتوي، چې طالبانو نیول شوي کسان د کابل ښار درېیمې امنیتي حوزې ته لېږدولي دي.
پرون طالبانو خپلو ټولو ځواکونو ته امر کړی و چې د نجونو پر تعلیم د بندیز د پرېکړې پر ضد لاریونونه دې وځپي.
