طالبانو د کابل ښار په مکروریانونو کې د کورونو پلټنې پيل کړې دي

۸صبح، کابل: د کابل ښار اوسېدونکي وایي، چې په مکروریانونو کې د طالبانو له خوا کورپه‌کور پلټنې پیل شوې دي.

د کابل ښار د مکروریانونو یو شمېر اوسېدونکي ۸صبح ورځپاڼې ته وايي، چې د کورونو پلټنې چهارشنبه سهار د سلواغې پر پنځمه نېټه پيل شوې دي.

د سرچینو د خبرو له مخې طالبان د مکروریانونو په بېلابېلو برخو کې له ځانګړو ځواکونو او جنګي توکو سره حضور لري او کورونه تلاشي کوي.

تر اوسه روښانه نه ده، چې دغه پلټنې د څه لپاره پیل شوې دي.

کابل کې طالبانو تر اوسه په دې اړه څه نه دي ویلي.

دوې اونۍ مخکې هم د کابل ښار په دهمزنګ، کارته ۴ او مرکزي سیلو سیمو کورپه‌کور پلټنې پیل شوې وې.

ورته لیکنې

Back to top button