طالبانو د غزني ولایت په مالستان کې د دیني مدرسې یو زده‌کوونکی وواژه

۸صبح، غزني: غزني ولایت کې سیمه‌ییزې سرچینې وایي، چې طالبانو د مالستان ولسوالۍ په مکنک کلی کې یو ځوان په ډزو وژلی دی.

د سرچینو د معلوماتو پربنسټ د دیني مدرسې یو زده‌کوونکی محمدزمان شنبه شپه د لړم پر ۱۴ د طالبانو له خوا وژل شوی دی.

د سرچینو د خبرو له مخې طالبانو وژل شوی کس د دغې ولسوالۍ په شینه‌ده بازار کې یوه روغتیایي مرکز ته لېږدولی او د نن تر ماښامه یې چا ته اجازه ورنه‌کړه چې دغه مرکز ته نږدې شي.

له دغې ولسوالۍ څخه سرچینو تایید کړې، چې شینه‌ده بازار هم د طالبانو له خوا تړل شوی دی.

تر اوسه د دې پېښې لامل او انګېزه روښانه نه ده او طالبانو تر اوسه په دې اړه څه نه دي ویلي.

ورته لیکنې

Back to top button