لوګر کې د هاوان مرمۍ چاودنې دوه ماشومان وژلي دي
۸صبح، لوګر: په لوګر کې سیمه ییزې سرچینې وایي، چې د هاوان سرګلولې د چاودنې له امله، دوه ماشومان وژل شوي او دوه نور ټپیان شوي دي.
د سرچینو د معلوماتو پربنسټ، دغه چاودنه تېره جمعه ناوخته (کب ۲۶) د لوګر ولایت د مرکز پلعلم ښار اړوند د (التمور) په سیمه کې هغه مهال رامنځ ته شوه، چې ماشومان د لرګیو په ټولولو او د هاوان له مرمیو سره په لوبو بوخت ول.
تر اوسه معلومه نه ده چې د دې چاودنې قربانیان د یوې کورنۍ غړي وو او که نه.
په لوګر کې طالبانو د دې پېښې پخلی کړی دی.
په افغانستان کې له تېرو جګړو را پاتې ځمکنیو ماینونو چاودنې، کله ناکله ماشومان وژني.
