۸صبح، پکتیکا: په پکتیکا کې سیمه ییزې سرچینې وایي چې ناپېژاندو وسلهوالو په دغه ولایت کې د طالبانو یو سیمهییز قوماندان وژلی دی.
سرچینې له ۸صبح ورځپاڼې سره په خبرو کې ویلي، چې دغه کس مولوي خالد نومېده او د شنبې ورځ د تلې میاشتې په ۸مه د اومنې ولسوالۍ په سپین کلي کې وژل شوی دی.
د سرچينې د معلوماتو له مخې، مولوي خالد د اومنې ولسوالۍ د امنيې قوماندانۍ له قوماندانانو څخه و او خپل کور ته د تګ پر مهال د وسله والو له خوا پرې بريد شوى دى.
طالبانو تر اوسه په دې اړه څه نه دي ویلي.
تر اوسه کومې ډلې د طالبانو د دغه سيمهييز قوماندان د وژلو مسووليت پر غاړه نه دى اخيستى.
د يادونې ده، چې څه موده وړاندې هم د پکتيکا په ګومل ولسوالۍ کې د طالبانو پر پوځي کمپ د وسله والو بريد شوى و.
خو د «افغانستان د ازادۍ ملي اسلامي غورځنګ» د دغه بريد مسووليت پر غاړه اخیستی او ادعا يې کړې وه چې په دغه بريد کې لږ تر لږه څلور طالب جنګیالي وژل شوي دي.
