8صبح، کابل: وزارت داخله تاجیکستان اعلام کرده که عملیاتی نظامی را به هدف مقابله با تروریسم در مرزهای مشترک با افغانستان و چین، آغاز کرده است.
خبرگزاری رویترز نیز گزارش کرده که این عملیات در ولایت «گورنو-بدخشان» در نزدیکی مرز تاجیکستان با افغانستان و چین راهاندازی شده است.
این عملیات در پی درگیریهای اخیر بین معترضان و نیروهای امنیتی تاجیکستان در مرکز ولایت بدخشان تاجیکستان صورت میگیرد. در این درگیری دستکم یک معترض کشته شد و شماری از نظامیان تاجیک نیز زخمی شدند.
روز گذشته وزارت داخله تاجیکستان در خبرنامهای گفته بود که «یک گروه از جوانان ناآگاه» با هدف «خلل در امنیت جمعی» به ساختمان دادگاه ولایت بدخشان حمله مسلحانه کرده است.