۸صبح، کابل: وزارت امور داخله تاجیکستان خبر ایجاد پایگاه نظامی چین را در خاک این کشور رد کرد و گفت که ایجاد چنین پایگاهی در دستور کار نیست.
به گزارش خبرگزاری دولتی تاجیکستان (خاور) وزارت امور داخله این کشور روز شنبه، نهم عقرب اعلام کرده است که خبر ایجاد پایگاه نظامی چین در خاک این کشور و در نزدیکی مرز با افغانستان صحت ندارد.
این وزارت در بیانیهای گفته است: «اطلاعات مبنی بر ایجاد پایگاه نظامی چین در تاجیکستان صحت ندارد و این موضوع در دستور کار روابط دوجانبه قرار نگرفته است.»
وزارت امور داخله تاجیکستان خاطرنشان کرده است که در چارچوب توافق بین این وزارت و وزارت امنیت عمومی چین، قرار است رزمایش مشترک نظامی دو کشور در ولایت بدخشان تاجیکستان برگزار شود.
به گفته این وزارت، همه تجهیزات و هزینههای لازم در طول رزمایش مشترک توسط چین تامین میشود.
پیش از این گزارش شده بود که تاجیکستان به کمک چین در خاک خودش و در نزدیکی مرز افغانستان پایگاه نظامی میسازد.