تخار ولایتیده بیر باله یۉقالدی
۸صبح، تخار: محلی منبعلرنینگ ایتیشیچه، تخار ولایتی نینگ فرخار اولسواللیگیده بیر باله یۉقالگن و حاضرگچه اونینگ تقدیری حقیده هېچ قندهی معلومات یۉق.
منبعلر چهارشنبه کونی، ۱۶ ثور، ۸صبح کوندهلیگیگه ایتیشیچه زکریا اسملی بو باله فرخار اولسواللیگیدهگی «آبیدره» قیشلاغینینگ اصلی یشاوچیسی اېکنینی ایتیشدی.
منبعلرگه کۉره، زکریا شنبه کونی ساعت تخمیناً ۱۱ دن آلدین فرخار اولسواللیگیده یۉقالیب قالگن و عایله همده محلی اهالی نینگ حرکتلری حاضرگچه نتیجه بېرمهگن.
بو شوندهی بیرحالده دیر که بیر نېچه کون آلدین هم تخار ولایتی نینگ تالقان شهریده ۱۳ یاشلی باله نینگ یۉقالیب قالگنی حقیده خبرلر ترقهلگن اېدی.
محلی اهالی ایتیشیچه، بالهلرنینگ یۉقالیب قالیشی مملکتده خوفسیزلیک معمالری کوچهییب بارهیاتگن بیر پیتده آدملر آرهسیده جدّی خواطر اویغاتماقده.





