جوزجانده بیر ییگیت اۉلدیریلدی
۸صبح، کابل: جوزجانده طالبان نینگ محلی مسووللری اوشبو ولایتده ۱۵ یاشلی بیر ییگیت اۉلدیریلگنینی اعلام قیلدی.
جوزجانده طالبان خوفسیزلیک قومندانلیگی سۉزلاوچیسی عبدالستار حلیمی، پنجشنبه کونی، ۱۷ – ثور، اوشبو واقعه اۉتگن کون فیضآباد اولسواللیگی مرکزیده یوز بېرگنینی بیلدیرگن.
حلیمیگه کۉره، نورالدین اسملی بو ییگیت اۉق آتیش نتیجهسیده اۉلدیریلگن.
او قاتللیک نینگ سببی حقیده هېچ قندهی ایضاح بېرمهگن.
حلیمی قۉشیمچه قیلیشیچه، اوشبو قاتللیک بیلن باغلیق اوچ کیشی حبسگه آلینگن.
خبرلرگه کۉره، اۉتگن کون هم جوزجان نینگ آقچه اولسواللیگیده بیر یاش ییگیت اۉلدیریلگن.
سۉنگگی کونلرده مملکت نینگ تورلی ولایتلریده جنایتلر و سِرلی قاتللیکلر کۉپهییب بارماقده.





