انسان حقلری کوزهتووچیسی: طالبان نینگ انترنتنی اوزیشی میلیونلب افغانلر نینگ حیاتینی ایزدن چیقردی
۸صبح: انسان حقلری کوزهتووچیسی معلوم قیلیشیچه، طالبان نینگ افغانستانده انترنتنی تۉسیب قۉییشدن کۉزلهگن مقصدی عیاللر و قیزلر نینگ آوازینی بوتونلهی اۉچیریب قۉییشدیر.
اوشبو خلقارا تشکیلات، ۸- میزان، سهشنبه کونی اگاهلنتیریشیچه، طالبان نینگ افغانلر نینگ دنیا بیلن آخرگی علاقه یۉلینی یاپیش قرارینی عیاللرنی تۉلیق نظارت قیلیش و چېکلاولرنی ینهده کوچهیتیریشگه قرهتیلگن حرکت دېب اتهدی.
انسان حقلری کوزهتووچیسی نینگ عیاللر بۉلیمی مسوولی، ماکارینا ساییز، شوندهی دېدی: طالبان «اخلاقسیز فعالیتلر نینگ آلدینی آلیش» بهانهسیده، اصلیده عیاللر و قیزلر نینگ آنلاین تعلیم و ایش امکانیتلرینی بوتکول تۉسیب قۉیگن.
اونینگ سۉزلریگه کۉره: «مکتبلر یاپیلگنده، انترنت قیزلر اوچون یگانه تعلیم اېشیگیگه ایلندی. عیاللر ایشیدن محروم قیلینگنده اېسه، آنلاین ایش و سودا اولر اوچون یگانه نجات یۉلی بۉلدی.»
باشقه تاماندن، اقتصادی فعاللر بو اوزیلیش شهرلردهگی تجارت فعالیتینی فلج قیلگنینی بیلدیرماقده.
بیر سوداگر، نجیب الله، کابلده فرانسه اخبارات آژانسی گه : «تلفنسیز و انترنتسیز بیز کۉر آدملرمیز. بیز نینگ برچه ایشیمیز تېلفونگه باغلیق» دېب ایتدی.
خبرلرگه کۉره، افغانستان بانک تیزیمی هم آغیر ضرر کۉرگن و ای.تی.ام خذمتلری فعالیتی توختهب قالگن. متخصصلر آگاهلنتیریشلریچه، بو اوزیلیش نهفقط افغانستان نینگ اقتصادی و اجتماعی علاقهلرینی اوزیب قۉیدی، بلکه موجود انسان پرورلیک انقراضنی هم ینهده چوقورلشتیردی.





