درانی سۉزلریگه طالبلرنینگ عکسالعملی؛ تکل: پاکستاندن مملکتلرگه هجوم اویوشتیریلیش احتمالی بار
۸صبح، کابل: افغانستان اوچون پاکستان خاص نمایندهسی آصف درانی سۉنگی اظهاراتیگه طالبلر تشقی ایشلر وزیرلیگی عکسالعمل کۉرسهتیب ایتیشیچه حقیقتده پاکستاندن مملکتلرگه هجوم بۉلیش خطری بار.
حافظ ضیااحمدتکل، طالبلر تشقز ایشلر وزیرلیگی سۉزلاوچیسینینگ آچیقلشیچه سهشنبهکونی ۳۰اسد، ایکس اجتماعی ترماغیده درانینینک بوگروه حاکمیتی آستیده افغانستاندن ۱۱ سپتمبرکبی هجوم احتمالی بارلیگی تۉغریسیدهگی سۉنگی سۉزلرینینگ حقیقتی یۉق دېب یازگن.
تکلنینگ ایتیشیچه بواظهارات طالبلرتۉغریسیده عامه فکرینی پریشان قیلیش اوچون بۉلگن حرکت.
اونینگ کۉپهیتیریشیچه درانی افغانستانگه نسبت بېرگن خطرلر وقیینچیلیکلرنینگ برچه سی حقیقتده ۱۱ سپتمبرده افغانستاندن مملکتلرگه بۉلگن هجوم احتمالی حاضر پاکستانده کۉرینماقده.
طالبلر تشقی ایشلر وزیرلیگی سۉزلاوچیسی اۉرینباسرینینگ آچیقلشیچه دیورند خطی دهگی داعش پناهگاهلری بوزیب تشلنگن حالده بوگروه تامانیدن بۉلگن خطراحتمالی تۉلیق صورتده اۉرتهدن کېتهدی.
طالبلر بورسمینینگ ادعاقیلیشیچه بوگروه حاکمیتی آستیده افغانستان هېچ قندهی خوفسیزلیک قیینچیلیگیگه رۉپَرۉ اېمس.
تکلنینگ ایضاحلشیچه بوگروه تشقی مملکتلر قرض ویاردملریگه تیهنمی ایچکی منبعلردن ایش آلیب اقتصادی خودکفالیککه تلاش قیلهدی.
ایتیلیشیچه ایکی کون آلدین آصف درانی طالبلر حاکمیتده آستیده داعش تهدیدیگه اشاره قیلیب ۲۰۰۱ییل ۱۱ سپتمبری کبی هجوم احتمالی باردېب هشداربېردی.





