اصیلا وردک: ناروی ییغیلیشیده قیزلر نینگ تعلیمی حقیده بحث اېتدیک
۸صبح، کابل: سابق دیپلمات و ناروی ییغیلیشیده قتنشگنلردن بیری اصیلا وردک، اوشبو ییغیلیشده قاچقینلر، انسان پرورلیک یاردملر، قیزلر نینگ تعلیمی، عیاللر نینگ ایش و اقتصادی مسألهلری محاکمه قیلینگنینی بیلدیرگن.
او ۲۷ ثور، پنجشنبه کونی ایکس صحیفهسیده، اسلو سۉنگی یییغلیشیده هر تور ایرق، اېلت و حتا طالبان وکیللری قتنشگن اېدیلر دیب یازگن.
شو بیلن بیرگه، اوشبو ییغیلیشده طالبان نمایندهلیگیدن کیم قتنشگنی حقیده معلومات بیریلمهگن.
عیال حقوقی فعاللریدن بیرقطاری اسلو ییغیلیشیده طالبان وکیللری چقیریلیشی و اولر بیلن مذاکره قیلیش گه مناسبت بیلدیریب، ناروی تشقی ایشلر وزیرلیگی برابریده ناراضیلیک بیلدیرگنلر.
اولر نینگ ایشانچی گه کوره، طالبان «تروریستی» بیر گروه دیر و دنیا بویلب مملکتلر بو گروه بیلن مذاکره قیلمهی و اونی تن آلمسلیگی کېرهک.
بیراق اصیلا وردک اوشبو تنقیدلر گه جواب یازیشیچه، «عیاللر معامله و خیانت قیلمهیدیلر؛ طالب بوتون عیاللر نینگ قۉشمه دشمنی دیر. تهمت قیلیشدن آلدین التماس معلومات نی قیدیریب فکر بیلدیرینگ.»
افغانستان ایشلری بوییچه بیرلشگن ملتلر تشکیلاتی نینگ انسان حقلری مخصوص گزارشگری ریچارد بنت، بو ییغیلیشده قتنشگنلردن بیری اېدی.
بوندن آلدین انسان حقلری تقدیقات اۉیوشمهسی، اوشبو ییغیلیشده ریچارد بنت افغانستانده خاتین قیزلر حقوقی، انسان حقلری نقض اېتیلیشی و کېلهجک نسل گه اوروش سلبی تاثیرلرینی محاکمه قیلگنینی اېتگن اېدی.





