طالبان تامانیدن کابل کۉچه‌لریده عیاللر کلتکلنیشی و حقارت‌لنیشی‌نینگ دوام اېتیشی

۸صبح، کابل: اجتماعی ترماقلرده ترقه‌لگن بیر ویدیوده، طالبان نینگ «امر باالمعروف و نهی عن المنکر» خادملری کابل کۉچه‌لری نینگ اۉرته‌سیده بیر عیالنی اوشبو گروه طلب قیلگن حجابنی کیمه‌گنلیکده عیبلب، قتّیق کلتکله‌یاتگنی کۉرینه‌دی.

سه‌شنبه‌ کونی، ۱۵ – ثور، اجتماعی ترماقلرده ترقه‌تیلگن اوشبو ویدیو کېنگ ناراضیلیک مناسبت‌لرنی کېلتیریب چیقرگن.

منبعلرنینگ ایتیشیچه، طالبان نینگ امر باالمعروف و نهی عن المنکر محتسب‌لری اۉتگن کون‌ اوشبو گروهگه تېگیشلی بیر عیال خادم بیلن همکارلیکده «پروژه تایمنی یۉلی» کۉچه‌سیده بیر عیالنی عامه‌ آلدیده تۉخته‌تیب، کلتکلشگن.

ویدیوده عیال تۉلیق حجابده اېکنی کۉرینه‌دی.

شو بیلن بیرگه‌، منبعلر طالبان نینگ امر باالمعروف و نهی عن المنکر خادملری ینه‌ کۉچه‌لرده عیاللرنی حبسگه آلیشنی باشله‌گنینی و اَیریملرینی اۉزلری بیلن آلیب کېتگنینی اَیتماقده.

منبعلرگه کۉره‌، طالبان‌نینگ اوشبو خادملری کوته‌سنگی‌ده‌گی «مبارک‌ سنتر» سودا مرکزیده آق چپان کییب، عیاللرنی نظارت قیلماقده و حتا حجاب کیگن عیاللرنی هم قمچی بیلن اورماقده.

منبعلر تأکیدلشیچه، طالبان محتسب‌لری عیاللرنی حبسگه آلیش بیلن تهدید قیلماقده.

اۉتگن ییلی هم طالبان اوشبو گروه طلب قیلگن حجابنی کیمه‌گنلیکده عیبلب عیاللرنی عامه‌وی روشده حبسگه آلگن بۉلیب، بو حالت اهالی آره‌سیده کتّه‌ خواطر اویغاتگن اېدی.

دکمه بازگشت به بالا