بیر کونده ایران و پاکستان دن ۳۲۰ عایله اوز وطنلریگه قیتریلگن

۸صبح، کابل: اوتکن بیر کون ایچیده ایران و پاکستان اولکه لریدن کمیده ۳۲۰ قاچقین عایله لر اوز وطنلریگه قیته ریلگن.

طالبان گروهی نینگ نظارتی  آستیده گی باختر آژانسی، سرطان آی نینگ ۲۲ ینچی سی جمعه کونی ترقتگن اوز حسابات گه اوتکن کونی، ۳۲۰ عایله ایران و پاکستان اولکه لریدن اوز وطن لریگه قیتیب کیلدی دیب قید ایتگن.

مذکور حسابات ده ایسه تورخم و اسپین بولدیک چیکره لری آرقه لی ۱۲۵ عایله  پاکستان دن قیتریلگن و ۱۹۵ عایله ایسه پل ابریشم و اسلام قلعه چیگره لری آرقه لی ایران دولتی تمانیدن چیقریلگن.

بو ایسه بیرلشگن ملت لرتشکیلاتی نینگ قاچقین لر بولیم مسوولی نینگ پاکستان گه قیلگن سفری و اوییرده گی قاچقین لر، زوربیلن چیقریلیشی نی تاخته تیلگن لیگی خصوص ده گی بیانات دن کیین، عمل گه آشریلماقده دیر.

شونینگ دیک عین دمده، پاکستان نینگ باش وزیرلیگی تمانیدن چیقریلگن بیانات ده ایسه( پی او آر) ناملی هجتی بولگن بیر یرم میلیون افغانستان لیک قاچقین لرگه ینه بیر ییل لیک مهاجرت هجتی بیریلیشی نی اعلان قیلگن ایدی.

بیراق انسان حقلرینی سقلش تشکیلاتی و بیرلشگن ملت لر تشکیلات لری نینگ ایرم حسابات لریگه کوره پاکستان دولتی اوزنینگ قاچقین لرنی چیقریش لایحه سی اساسی ده کمیده ۶۰۰ مینگ افغانستان لیک قاچقین لرینی اوز وطنلریگه قیترگن.

دکمه بازگشت به بالا