«فراگیر» نینگ ینگی حساباتی: طالبان دین تحریفی بیلن، جنسی آپارتاید‌نی سیاسی واسطه‌ صفتیده ایشله‌تماقده

۸صبح، کابل: «فراگیر» تشکیلاتی نینگ ینگی حساباتی «آگاهلنتیریش قانغیراغی» نامی بیلن نشر بولدی. اوشبو حساباتده ۷۰۰ نفر افغانستان فقراسی، جمله‌دن ۶۰۰ نفر عیال، ۱۴ ولایتدن آلینگن شخصی تجربه‌لر اساسیده طالبان نینگ آخرگی تۉرت ییل ایچیده‌گی سیاستی نینگ سلبی تأثیرلری حجتلشتیریلگن.

حسابات، جمعه‌ کونی، ۴- میزان، نشر بولیب و طالبان دین‌نی سیاسی واسطه‌ صفتیده ایشله‌تیب، عیاللر نینگ حقوقلرینی چېکلشنی اۉز حاکمیتینی سقلش اوچون قۉله‌گن. شو بیلن بیرگه‌، دینی مکتبلر نینگ کېسکین کۉپه‌ییشی و زمانه‌وی تعلیم نینگ تیزیملی یۉق قیلینیشی طفیلی افراطیت نینگ رواجلنیشیگه زمین یره‌تگن دیب، یازیلگن.

تاپیلمه‌لر قسمی‌ده شونده‌ی یازیلگن: افغانستانده‌گی دینی مدرسه‌لر سانی ۲۰۲۱ ییلده ۵ مینگ دن آشیب، ۲۲ مینگ دن کۉپگه یېتگن و سۉنگگی اوچ ییل ایچیده هر بیر زمانه‌وی مکتب‌گه نسبتاً اتیگی ۸۵ ته دینی مدرسه آچیلگن.

تدقیقات، شونینگدېک، قیزلر نینگ تعلیمیگه تعقیق، کېنگ ترقه‌لگن خوفسیزلیک معمالری، اختیاری حبسلر، مجبوری یۉقاتیشلر، مجبوری نکاحلر و، اینیقسه‌، عیال باشلیق عایله‌لرگه اقتصادی باسیم کبی مسأله‌لرگه اعتبار قره‌تگن.

جواب بېرووچیلر نینگ۷۶ فایزی افغانستان جمعیتی طالبان حاکمیتیدن سۉنگ افراطیت دن خواطر بیلدیرگن و کۉپچیلیگی طالبان نینگ چاره-تدبیرلرینی قرآن‌ و دین تحریفی بیلن جنسی آپارتاید اسره‌ب-اویلش اوچون ناتۉغری ایشله‌تیش دېب حسابله‌گن.

اوشبو حسابات افراطیت نینگ آشیب باره‌یاتگن تهدیدلریگه آگاهلنتیریش بیلن بیر قطارده، افغان عیاللری نینگ قرشیلیگی و قطعیتینی هم تأکیدله‌گن و جهان همجمعیتیدن طالباننی جوابگر قیلیش و افغان عیاللری تشکیلاتلرینی قۉللب-قوتلش بۉییچه‌ عملی چاره‌لر کۉریشنی سۉره‌گن.

دکمه بازگشت به بالا