محلی منبعلر: طالبان بدخشانده تنقیدی پُستلر سببلی بیر یاشنی حبسگه آلدی

۸صبح، کابل: بدخشان ولایتیده‌گی محلی منبعلر معلوم قیلیشیچه، فیض‌آباد شهری نینگ چشمه‌بیدر دره جوزگون قیشلاغیده استقامت قیلووچی ییگیت، حجت‌الله حامد احمدی، بیر هفته‌ آلدین طالبان استخباراتی تامانیدن حبسگه آلینگن.

محلی منبعلر، ۱۰- عقرب، شنبه کونی، ۸صبح گزېته‌سیگه ایتیشیچه، اونینگ حبسگه آلینیشی سببی، فیسبوک صحیفه‌سیده تنقیدی پُستلر جایلشتیرگنی، یعنی کانلر نینگ تالان-تاراج قیلینیشی، پاکستان بیلن اوروش و باشقه‌ سېزگیر موضوعلر حقیده یازگنی بۉلگن.

منبعلر نینگ معلوماتیگه کۉره‌، بدخشانده‌گی طالبان استخبارات باشقرمسی احمدی نینگ حبسگه آلینیشی حقیده اۉزینی بېخبر دېب کۉرسه‌تگن.

معلوم بۉلیشیچه، احمدی یقینده تخار بیلیم‌یورتینی بیتیرگن و فیض‌آبادده‌گی یشه‌ش جاییدن حبسگه آلینگن.

بو واقعه‌ سۉنگگی آیلرده افغانستان نینگ بیر قنچه‌ ولایتلریده طالبان تامانیدن فقرالر نینگ حبسگه آلینیشی یاکه سابق حربیلر نینگ اۉلدیریلیشی حالتلری آرتیب باره‌یاتگن بیر پیتده صادر بۉلگن.

دکمه بازگشت به بالا