مجاهد: ایران بیزنینگ رسمی بیر دولت صفتی ده تن آلیشی کیرک
۸صبح، کابل: طالبان گروهی نینگ سوزلاوچی سی ذبیح الله مجاهد، ایران دولتی طالبان گروهی تمانیدن قوریلگن تیزیم نینگ رسمی بیر حکومت صفتده تانیشی کیرک لیگی نی معلوم قیلگن.
مجاهد ایسه سرطان آی نینگ ۳ ینچی سی یکشنبه کونی، تابناک ناملی بیر مطبوعات آژانس بیلن بولگن صحبت ده بو موضوع نی اظهار ایتگن.
شونینگ دیک او: ( بیز ایران دولتی بیلن ایرم ساحه لر، جمله دن اقتصادی ساحه لرده کوپگینه یوتوق لرگه ایریشدیک، بوخصوص ده ایشانچ یره تیلگن و بیزنینگ ایران دن بولگن طلب و ایسته گی میز کوپگینه دیر، شو یوزدن ایران بیزنینگ دولت میزنی هیچ قندی شرط قویمسدن رسمی دولت دیب تن آلیشی کیرک)، دیب معلوم قیلگن.
اونینگ ایتیشیچه، افغانستان ده سوو ذخیره گاهلری بولگن تقدیرده، ۱۳۵۱ ییل ده گی توافق نامه اساسی ده، ایران نینگ حققی بیریله دی.
شونینگ دیک او، هر مملکت اوزنینگ منفعت لرینی نظرگه توتگن حالده، اوشبو گروه بیلن اقتصادی و اجتماعی رابطه لرینی کوچی تیریشی لازم لیگی نی اورغوله گن.
مجاهد ایسه مذکور صحبتی ده: ( حکومت نینگ تشکیل لشتریش، قندی بیر نظام نی اورنه تیش، بولرنینگ برسی ایسه افغانستان لیک لرنی اوزلریگه تیگیشلی دیر و باشقه هیچ بیر اولکه گه تیگیش لی ایمس دیر. شو یوزدن هیچ بیر مملکت بیزنینگ ایچکی مساله لریمیزگه اره لشمس لیک لری لازم و بیز بیلن بیر ایرکین و مستقل اولکه صفتده معمامله قیلیشلری کیرک، بو ایسه هر بیر مملکت نینگ اوزمنفعت لریگه دیر)، دیب ایتگن.
طالبان سوزلاوچی سی ایسه اوشبو گروه ( افغانستان بیرقول، بیر حکومت و ایرکین) بولیشینی ایسته شینی بیلدیرگن.
کوریلیشیچه، ایران طالبان گروهی حاکمیتی دن کیین، اوشبو گروه بیلن یقین علاقه قوریب کیلماقده دیر.
بیراق ایران دولتی، طالبان گروهی تمانیدن باشقریلیب کیله یاتگان دولت نینگ حاضرگه قدر رسمی بیر دولت اولراغ تن آلمه گن.
اوتکن قریب اوچ ییل جریانی ده، ایران دولتی، افغانستان نینگ تهران ده گی ایلچی خانه سی نینگ اوشبو گروه گه تاپشریشی یانیده، طالبان گروهی بیلن تورلی ساحه لریده گی اونلب شرطنامه لرنی امضا لشگن.
بوندن بیرآز آلدین هم، طالبان گروهی نینگ تشقی ایشلر وزیرلیگی نینگ باشقروچی سی امیرخان متقی، ایران تشقی ایشلر وزیرلیگی نینگ باشقروچی سی علی باقری کنی بیلن بولگن اوز صحبتی ده، اوشبو گروه نینگ ایچکی مساله لریگه اره له شیش، هیچ بیر اولکه نینگ منفعت گه ایمس دیردیب ایتگن ایدی.