بلخ ده سِرلی قتللر؛ بیر تاکسی هیداوچی نینگ جسدی دهدادی تومنیده تاپیلدی

۸صبح، بلخ: بلخ ده طالبان محلی رسمی‌لری اوشبو ولایتده بیر کیشی نینگ جسدی تاپیلگنیدن خبر بیره‌دیلر.

بلخ ده طالبان امنیه قوماندان‌لیگی گه کوره، یاش بیر کیشی نینگ جسدی ۳۱ حمل، جمعه کونی مذکور ولایت نینگ دهدادی تومنی امام بکری کوپریگی ساحه‌سیدن تاپیلگن.

اۉلدیریلگن کیشی نینگ آتی شیرزی بولیب و پروان ولایتی اصلی یشاوچیسی اېکن.

پنج‌شنبه کونی مزارشریف شهری ذوالفقار تورت یولیدن لادرک بولگن شیرزی نینگ جسدی اۉتگن کون تاپیلگن.

طالبان گه کوره، شیرزی شخصی دشمن‌لیگی باعث کوپ قییناق‌لنیشدن کېین اۉلدیریلگن.

قربان بولگن کیشی سابق حکومت زمانیده بیر مراتبه قتل عیبی بیلن زندانی بولگن اېدی دیېدی، طالبان رسمی‌لری.

عین‌حالده، واقعه عامللری شیرزی نینگ موترینی آلیب کېتگن و بو اوغیرلنیش واقعه بولگنیدن درک بیره‌دی.

بلخ ده طالبان امنیه قوماندان‌لیگی، مذکور واقعه عامللرینی قولگه آلیش اوچون سعی-حرکت قیله‎یاتگنلرینی معلوم قیلگن.

طالبان هردایم مملکت بویلب خوفسیزلیک تامینلنگنیدن ایشانچ بیرسه‌لرده، بیراق جنایی جرم‌لر اینیقسه سِرلی قتللر کونسه‌یین کوپه‌یماقده.

اۉتگن کیچه کاپیسا ده ایکّی عیال ناتانیش کیشیلر تامانیدن اۉلدیریلگنلر.

دکمه بازگشت به بالا