پنتاگون: امریکا قۉشینلری نینگ افغانستان‌دن چیقیب کېتیشی‌گه عاید تېرگاو کېله‌سی یازگچه یکونلنه‌دی

۸صبح، کابل: امریکا قۉشمه‌ ایالتلری مدافعه‌ وزیرلیگی معلوم قیلیشیچه، امریکا قۉشینلری نینگ افغانستان‌دن چیقیش جریانی بۉییچه‌ تېرگاو کېله‌سی ییل یازیگه قدر یکونلنه‌دی.

امریکا مدافعه‌ وزیرلیگی مطبوعات کاتبی، کینگزلی ویلسون، ۱۱ قوس، سه‌شنبه‌ کونی، ایتیشیچه، افغانستان‌دن بایدن حکومتیده‌گی «تشکیلی بې‌قرار» چیقیش جریانی حقیده‌گی تېکشیروو هلی هم دوام اېتماقده.

پنتاگون‌گه کۉره‌، حاضرگچه تېرگاو جریانیده ینگی حجت یاکه دلیل قۉلگه کیریتیلمگن.

امریکا نینگ جمهور رییسی، دونالد ترمپ، بیر نېچه‌ بار امریکا قۉشینلری نینگ چیقیش اصولینی تنقید قیلیب، جو بایدن‌نی عیبلب کېلگن.

یقینده ترمپ تاکیدلشیچه، بایدن «مینگلب» تروریسم، مخدر ماده‌لری سوداسی و زۉرآورلیکده عیبلنه‌یاتگن شخصلرنی مملکتگه کیریتگن.

او قۉشیمچه‌ قیلیشچه، بو شخصلر امریکاده بۉلمسلیگی کېره‌ک.

بو بیاناتلر، رحمان‌الله لکنوال تامانیدن ایکی نفر امریکا ملی گارد اعضاسیگه قیلینگن هجومدن سۉنگ بیلدیریلگن.

دکمه بازگشت به بالا