حق ایستش قیمتی؛ تورمه وطالبلر آزار اذیتیدن اېرانده سرنوشتسیز قالیشگچه

حق ایستش سېسی چېگرهنینگ اوتامانیدن قولاقلرگه ینگرهیدی، چېگره اوتامانی افغانلر اوچون حقارتلهنیش، کم سیتیلیش واهانت وادیسیدیر. بیراق او جوده ددیل و جسارتلی بۉلیب اونینگ مستحکم ارادهسی آلقیشلرگه سزاواردیر. او باشقه بیر سرزمیندن غاو تۉسیقلرگه قرهمی مملکتینینگ عیاللری حقوقیدن مدافعه قیلیش اوچون کورهشهدی طالبلر اسارتی داوانلرینی جوده شجاعت بیلن باسیب اۉتماقچی بۉلهدی. او بیر قتله کابلده طالبلر تامانیدن اوشلهنیب آزارو اذیت اېتیلگن بۉلسه یم ینه بیربار کورهشیش اوچون یۉلگه توشگن.
حکیمه مهدوی معترض عیاللردن بیریدیر او طالبلر تامانیدن اوشلهنیب آزار واذیت اېتیلگندن سۉنگ مملکتنی ترک قیلیب اېرانگه باریب تورغون بۉلیب یششگه مجبوربۉلگن. او اۉنلب معترض عیاللرکبی تعلیم وتحصیلدن قالگنی اوچون طالبر گروهینینگ استبدادلی حکومتی ویرهتگن چېکسیز چېکلاولری برابریده باشقه عیاللربیلن بیرگه لیکده ایکی ییلدن کۉپراق کابل جادهلریده « نان، ایش وآزادلیک» شعارینی بېرگن. اونینگ توختاوسیز وچرچهمسدن آلیب بارهیاتگن فعالیتلری طالبلر تانیب اویی گه نېچه قتله هجوم قیلیشلریدن سۉنگ اوشلهنیب تورمهگه توشیشیگه سبب بۉلهدی اونینگ تورمهگه توشیب آزارو اذیت اېتیلیش داستانی باشقه اۉنلب اوشلهنیب تورمه تشلنگن عیاللرکبی جوده ایهنچلیدیر: مېنینگ کورهش ودادخواهلیک قیلیشیمنینگ بهاسی منه بوندېک تولنگن: طالبلرتامانیدن اوشلهنیب تورمهگه تشلندیم. ایکی قتله اوییمگه هجوم قیلدیلر قوشنیلریم حضوریده اوییمنی تلاشی اېتدیلر. همهگه حکیمه ناملی قیزآرتیدن اېکنلرینی ایتگن اېکنلر. دایم قاچیب ویاشینیب یورسم هم بخت گه قرشی توتیبآلیب تورمهگه تشلهدیلر. تورمهده چېکسیز حقارتلهنیب جوده کۉپ کلتکلندیم. مینگ قاره بختلیک بیلن کۉپ پول بېریب اویېردن قیته طالبرگه قرشی فعالیت قیلمسلیک شرطی بیلن چیقیشگه مؤفق بۉلدیم .
قۉییب یوباریلگندن سۉنگ بیر مدت افغانستانده یشهیدی عایلهسی طالبلر تیرگاو و قییناولری آستیده بۉلگنی اوچون بو گروه گه قرشی هیچ قندهی فعالیت قیله آلمهیدی. حیاتنی بوندېک تیرگاو آستیده بۉلگن بۉغیق بیر فضاده دوام بېریش قیینلهشیب افغانستان نی ترک قیلیب اېران گه قاچقین بۉلیب کېلیشگه مجبور بۉلهدی. اېرانگه مهاجر بۉلیب کېلیشیگه باشقه بیر قیغولی داستانی بار واو جوده قیین وچیدب بۉلمس کۉلمدهدیر.حکیمه سفر منع اېتیلگن بیرشرایطده جوده مشقتلر و قۉرقوولر بیلن بیرعایله یاردمیده چېگرهدن اۉتهدی . او، اېرانده یشهش جای تاپمهیدی واوی کراه آلیش اوچون یېترلی پولی هم یۉق چونکه طالبلر اونی قۉییب یوباریش اوچون جوده کۉپ پول آلگنلر.
حکیمه جای تاپه آلمسلیگی اوچون اېران بې سرپرستلری وبې اوی جایلری یشهیاتگن مرکزگه پناه کېلتیریب بیر مدت اویېرده یشهیدی . بیر مدت سۉنگ او یېردن هم چیقارهدیلر او ینه بیر قتله سرکلر وپارکلرده آواره بۉلیب یورییدی : « اېرانگه کېلگنیمده حتی یشه ش اوچون جاییم یۉق اېدی شو اوچون بهزیستلیککه کېتیب سر پناه درخواست قیلدیم ایلک باشده قیبول قیلیب جای بېردیلر ، بیراق بیر مدتدن سۉنگ ینه چیقریب قۉیبېردیلر. چونکه اویېرده افغانلرگه اېمس اېرانلیکلرگه جای بېرر اېکنلر انه شو اوچون جوده آغیر وضعیتده مینگلر حقارت وتوهین بیلن بو یېرده کېچه یو کوندوزیم نی اۉتکزردیم یېترلی آوقت وحتی نمازاۉقیشگه رخصت بېرمسدیلر اۉزیم کۉزلریم بیلن نېچه افغان عیالنی اوریب – سۉکیب چیقریب قویبېرگنلرینی کۉردیم. چیقریب قۉی بېرمسلری اوچون اویېرنینگ برچه ایشلرینی بجرردیک عاقبتده سېکیزآیدن سۉنگ مېن وباشقه نېچه پناه سیز افغان عیالنی چیقریب قۉیبېردیلر.»
حکیمه شوندهی بیر قلتیس ویامان شرایطده هم طالبلرگه قرشی دادخواهلیک واعتراضیگه دوام بېریب کېلماقده. او بیر گروه مدنی فعاللر، خبر نگارلر واېرانده آلدینگی حربیلر بیلن اویغونلهشیب طالبلرنینگ کوندن کونگه چېکلاولرنی کۉپه یتیریشی تۉغریسیده سېس چیقرهدی. هیچ پیت توختهمهگنمن وتوختهمهیمن. کۉپ قیینچیلیکلرگه دوچ بۉلیب تورگن بۉلسم هم داخواهلیگیمگه دوام بېرهمن. بیز نېچه قتله مدنی جامعه فعاللری وخبر نگارلربیلن اېرانده اعتراض قیلدیک مېن دایم یېتکرمهلربیلن علاقه دهمن مهاجرلر وضعیتی وضرر کۉره دیگن کیشیلر سېسینی دنیاگه اېشیتیرهمن. چونکه یالغلیز مېن اېمس مېن کبی مینگلر عیال بو ییرده جوده آغیر شرایطده حیات کېچیرهدی.
او بیر مدت دوستلری وتانیشلری یانیده یشب اعتراضلری یانیده اویینینگ کراهسینی قۉلگه کېلتیریش اوچون تینیب تینچیمه ی ایشلهیدی. کېچه وکوندوز ایشلب اوی خرجتینی تأمین قیلهدی و بې سرنوشتلیک وآواره لیکدن قوتیلهدی، بیراق بو آسا یشته لیک دوام تامهیدی. بو قتله ویزهسینینگ وقتی تۉلهدی او اېرن دولتی قیلگن فرمانی اساسیده ناقانونی مهاجر تانیلهدی. حکیمه اېران نی ترک قیلیشی کېرک . اوی اېگهسی هم اونگه همکارلیک قیلمهی تېزلیکده اوینی بۉشه تیشنی بویورهدی. حاضر جوده یامان شرایطده یشهیدی افغانستانگه قیته جونهتیلیب طالبلر قۉلیگه توشیش تشویشی بیلن
حیات کېچیرماقده.
حکیمه ومینگلر کوره شداشلری غربت دیاریده بې سرنوشتلیکده غاو قیینچیلیکلر آره سیده نفس تارتماقده لر؛ اونگه کۉره اېران ده افغانستان قاچقینلری وضعیتی جوده یامان حالده دیر حتی نان آلیش گه رخصت بېریلمه یدی . بو یېرده نې دولت بیزبیلن همکارقیله دی ونې خلقی .ایکیسی هم بیزنی ایسته مه یدی. نانوایلیکده نان ودوکانده سودا وشرکتلری پولیمیزگه سیمکارت بېرمه یدیلر. او دنیا جماعه چیلیگی وانسان حقلری تۉغریسیده فعالیت آلیب باره دیگن نهادلردن اېران ده گی افغانستان مهاجرلری وضعیتی گه دقت قره تیشلرینی ایسته یدی.





