قیزیل خاچ: افغانستان شمالی‌ده‌گی زلزله‌ موجود انسانی انقراض‌نی کوچه‌یتیردی

۸صبح، کابل: آسیا و اقیانوسیه منطقه‌سی اوچون خلق‌ارا قیزیل خاچ کمیته‌سی حدودی مدیری، رژیس ساویوز، افغانستان شمالی‌ده‌گی زلزله‌ موجود اقتصادی معمالر، قورغاقچیلیک و انسانی انقراض‌نی کوچه‌یتیرگنینی معلوم قیلدی.

رژیس ساویوز، ۱۴- عقرب، چهارشنبه‌ کونی، بعضی جماعه‌لر افغانستان‌ده ایکی آی ایچیده صادر بۉلگن ایکی کوچ‌لی زلزله‌ نتیجه‌سیده تصور قیلیب بۉلمه‌یدیگن ضررلر بیلن یوزلشگنینی ایتدی.

او شونده‌ی قۉشیمچه‌ قیلیشیچه: «بو سفر عایله‌لر یریم کېچه‌ده اویلر نینگ قوله‌شیگه و همه‌ نرسه‌نی یۉقاتیشیگه دوچ کېلدی. اوشبو تلفاتلر موجود اقتصادی معمالر، قورغاقچیلیک و انسانی انقراضنی کوچه‌یتیردی.»

اونینگ ایتیشیچه، قیزیل خاچ جماعه‌لری افغانستان قیزیل آی جمعیتی بیلن بیرگه‌ بلخ، کندز و سمنگان ولایت‌لریده‌گی جبرلنگنلرگه حیاتی یاردم و ساغلیقنی سقلش خدمتلرینی کۉرسه‌تماقده.

شونینگدېک، او تشکیلات محلی طالبان رسمی‌لری بیلن بې‌واسطه‌ علاقه‌ده بۉلیب، محلی قماقخانه‌لرده‌گی محبوسلر نینگ خوفسیزلیگی و فراوانلیگینی تأمینلشگه حرکت قیله‌یاتگنینی تأکیدله‌دی.

قیزیل خاچ نماینده‌سی ایتیشیچه: «بیز اۉز اعضالری، دۉستلری، اوی-جایی و تیریکچیلیگینی یۉقاتگن برچه‌ انسانلرگه اۉیلی‌میز.»

شو بیلن بیرگه‌، خلق‌ارا مهاجرت تشکیلاتی (IOM) افغانستان شمالیده‌گی زلزله‌ده بېش ولایتده ۵۱۲ عایله‌ نینگ ضرر کۉرگنی حقیده معلوم قیلگن.

طالبان ساغلیقنی سقلش وزیرلیگی کېچه‌ افغانستان شمالیده‌گی زلزله‌ قربانلری سانی ۲۷ نفر، جراحتلنگنلر اېسه ۹۵۶ نفرگه یېتگنینی اعلان قیلگن اېدی.

دکمه بازگشت به بالا