بیرلشگن ملتللر تشکیلاتی‌نینگ باش کاتبی: داعش طالبلرنینگ امنیتنی تأمین قیلگنلیک ادعاسینی مسخره قیلگن

بیرلشگن ملتلر تشکیلاتی نینگ باش کاتبی « افغانستان وضعیتی واونینگ ملتلر ارا تیتچلیک وخوف سیزلیککه بۉلگن تأثیری» عنوانی آستیده اۉزی نینگ اوچ آیلیک گزارشینی افغانستان وضعیتی تۉغریسیده نشر قیلیب بو گزارش ده اوتگن اوچ آیده خوف سیزلیک، اقتصادی،سیاسی وافغانستان انسان حقلری مسأله لری تۉغریسیده معلومات بېرگن. بیرلشگن ملتلر باش کاتبی نینگ ایتیشیچه داعش گروهی بو مدت ایچیده طالبلر ودنیا جماعه چیلیگیگه قرشی تبلیغیگه دوام بېریب نشر قیلگن بیر ویدیوسیده طالبلرنینگ امنیتنی تأمین قیلگنلیک ادعاسینی مسخره قیلگن شو کبی بوگزارش ده ملی مقاومت جبهه‌سی و آزاذلیک جبهه سی نینگ طالبلرگه قرشی اویوشتیرگن ۷۳ قورالی هجومیگه اشاره قیلینگن.

بوگزارش اساسیده ۱۴ نچی می دن ۳۱ جولایگچه ایکی مینگ و ۱۲۷ خوف سیزلیک حادثه سی افغانستان ده ثبت بۉلگن و اۉتگن ییلگه قره گنده ۵۳ فایزکۉپه یگن. بیرلشگن ملتلرتشکیلاتی نینگ باش کاتبی گزارشیده آزار واذیت، اوشلش، آلدینگی حربی لرنینگ اۉلدیریلیشی واولرگه نامناسب رفتار و یانده شیشلر مستند بۉلگن . بو گزارشده طالبلر تامانیدن عمومی عفو اعلان بۉلگن بۉلسه هم آلدینگی حکومت حربی لری نینگ اوشله نیب اۉلدیریلیشی نینگ هنوز دوامی بار.

بیرلشگن ملتلر تشکیلاتی نینگ باش کاتبی آنتونیوگوترش ۲۷- سنبله سه شنبه کونی «افغانستان وضعیتی و اونینگ ملتلر ارا خوف سیز لیک وتینچلیککه بۉلگن تأثیری» عنوانی آستیده‌گی اوچ آیلیک گزارشینی ۲۷- سنبله سه‌شنبه ترقتگن. بو گزارش اساسیده داعش طالبلرنینگ امنیت تأمینلنیشی تۉغریسیده گی ادعاسینی مسخره قیلگن. بیرلشگن ملتلر باش کاتبی گزارشیده کېلیشیچه خراسان داعشی اۉتگن اوچ آیده طالبلر و دنیاجماعه چیلیگی گه تبلیغلریگه دوام بېریب بیر ویدیو ترقه تیش بیلن طالبلرنینگ خوف سیزلیک تۉغریسیده گی ادعاسینی «مسخره قیلگن. »

بیرلشگن ملتلر باش کاتبی گزارشیده افغانستان ده ۵۳ فایز خوف سیزلیک حادثه لری کۉپه یگنیدن اېسلنگن بو اۉتگن ییل گه قره گنده ۵۳ فایزکۉپه گنینی کۉرسته دی. شو کبی افغانستان آزادلیک جبهه سی وملی مقامت جبهه سی تامانیدن طالبلر اوستیگه بۉلگن ۷۳ قوراالی هجوم هم ثبت اېتیلگن.

گزارش اساسیده بو مدت ایچیده ۸۰ مورد افغانستان ده قورالی تۉقنه شوولر یوزبېرگنی ثبت بۉلگن. اۉتگن ییلی ۳۷ مورد ثبت بۉلگندی. شوکبی قۉلدن توزه تیلگن بمبلر پارتلاوی اۉتگن ییلگه قره گنده آلتی مورد کۉپه ییب و ۱۳ موردگه یېتیشگن.

بیرلشگن ملتلر تشکیلاتی باش کاتبی گزارشیده کېلیشیچه طالبلرگه قرشی ایجاد بۉلگن مقاومت جبهه سی وآزادلیک جبهه سی افغانستان بیر موقعینی تصرف قیله آلمه گن بۉلسه هم بو مدت ایچیده طالبلراوستیگه ۷۳ هجوم اویوشتیرگنلر. بوگزارش ده ۵۳ هجوم ملی مقاومت جبهه سی تامانیدن بۉلسه و۲۱ هجوم هم افغانستان آزادلیک جبهه سی تامانیدن اویوشتیریلگن دېییلگن. وباشقه اویوشتیریلگن ۱۹ هجوم عامللری تانیلمی قالگن. گزارش اساسیده داعش جاری ییل ثوری نینگ ۲۵ دن اسد نینگ ۱۰ گچه بامیان، قندهار، وکابل ولایتلریده تۉرت هجوم اویوشتیرگن.

شو کبی گزارشده طالبلر عفوعمومی گه قره مه قرشی آلدینگی حربی لراوشلب، آزارو اذیت قیلیب و اۉلدیریشیچه دوام بېرگن. بیرلشگن ملتلر تشکیلاتی نینگ ایتیشیچه آلدینگی حکومت رسمیلری و ملی مدافعه و خوف سیزلیک کوچ لری اعضالری اوستیگه عمل گه آشیریلگن تۉرت مورد قتل، ۹ مورد اۉزخودمچه لیک بیلن اوشلش و ۶ مورد هم آزار و اذیت حجتلنگن. لېکن بو کیشلر کیم آرقه لی اذیت اېتیلیب اۉلدیریلگنلیگی بېللی بۉلمه گن.

بیرلشگن ملتلر تشکیلاتی باش کاتبی نینگ ایتیشیچهمیلادی ۲۰۲۴ ییلده افغانستان ده ۲۳.۷ میلیون کیشی انسان سیورلیک یاردملرمحتاج بۉلیشی ممکن دېگن. اونگه کۉره شو ییل نینگ آگستیگچه ۲.۹ میلیون دالر احتیاج دنتأ یالغیز ۲۴.۹ فایزی افغانستان گه یاردم بۉلیشی تأمینلنگن.

گزارشده کېلیشیچه بو مدت جریانیده طالبلر رسمیلری اۉزلری نینگ بو گروه گه وفالی کیشیلرینی ملی ومحلی سطحده انتصاب قیلیشگه حرکت قیلگنلر. جمله دن ملی سطحده ایکی وزیر، ۷ وزیر اۉرین باسری، بیر سۉزلاوچی اۉرین باسری ، مرکزی بانگ نینگ ریسی واۉرین باسری و ۱۲ مدیر نی وزارتلرده منصوب قیلگنلر.

گزارش اساسیده طالبلرتۉرت والی، تۉرت والی اۉرین باسری ، ایکس بلدیه باشلیغی وکمیده ۲۶ محلی مدیر وگروه وفالی ۲۴ اولوسوالنی منصوب قیلگنلر. بو گزارش اساسیده مرکزی بانک نینگ ینگی رییسی نوراحمد آقا خوف سیزلیک کېنگاشی تحریمی آستیده بۉلگن.

بو گزارشده کېلیشیچه طالبلر مارچ آیی ده باشلنگن مالی ییل نینگ تۉرت آییده بیر میلیارد دالر درآمد قۉلگه کېلتیرگنلر بیرلشگن ملنتلر تشگیلاتی گزارشی کۉره بورقم ۱۱ فایر رواجلنیشنی کۉرسته دی.

بیرلشگن ملتلر تشکیلاتی باش کاتبی نینگ ایتیشیچه طالبلرنینگ درآمدی سالیق نی ۳۰ فایز یوقاری اېلتگنلری باعث کۉپه یگن. گزارش اساسیده طالبلر گمرگی اداره سی درآمدلری نینگ ایکی فایز کمه یه ییشیگه دوچ کېلگنلر بوکمه ییش دلیلی تاش کۉمیر صادراتی نینگ کمه ییشی واریریم ته ورلر تعرفه سی کمه یگنی بۉلگن.

بیرلشگن ملتلر تشکیلاتی باش کاتبی نینگ اشاره قیلیشیچه طالبلرنینگ درآمدی مالی ییل نینگ اۉلگی ایکی آییده کۉپه ییب چمه سی ۲۰۴ میلیون دالرگه یېتیشگن ۲۰۲۳ ییل گه قره گنده ۲۲ فایز کۉپه یگن.

بیرلشگن ملتلر تشکیلاتی باش کاتب بو گزارشده تأکید قیلیشیچه۲۰۲۳ میلادی ییل ده کۉکنار سېپیشی ۹۳ فایز کمه یگن بۉلسه هم ۲۰۲۴ ییل ده بدخشان، تخار، قندهارو ننگرهار ولایتلریده دوامی بۉلگن.گزارش اساسیده طالبلر رسمیلری بدخشان نینگ تورلی منطقه لریده ۸۶۰ هکتار یېرده اېکیلگن کۉکنار بیاره سینی یۉقلب تشله گنلر. بو گزارش می وجولای اراسیده تریاک قیمتی ۰.۱ فایز کۉپه یگنینی کۉرسته دی بیرکیلو سی ۷۳۷ دالردن ۷۳۸ دالرگه یېتیشگن. بوقیمت ۲۰۲۳ ییل نینتگ دسامبریگه قره گنده تریاک قیمتینی کمه یگنینی کۉرسته دی. بیر پیت بیرکیلوسی ۸۰۲ دالراېدی.

بیرلشگن ملتلر تشکیلاتی‌نینگ باش‌کاتبی آنتونیو گوترش بوگزارش ده تأکید لشیچه افغانستان خلقی طالبلر حاکمیتی آستیده اقتصادضعیفلیگی واېرکینلیکلرنینگ جدی ایاق آستی بۉلیش قیینچیلیکلریگه یۉلیققنلر. اۉنگه کۉره افغانستان خلقی قیینچیلیکلری طالبلر نینگ چېکلاولی سیاست و حرکتلریدن کۉپه یگن.

بیرلشگن ملتلر تشکیلاتی نینگ باش کاتبی انسان سېورلیک بحرانی، طبیعی حادثه لر نتیجه سی و ااقلیمی اۉزگریشلر افغانستان خلقی نینگ باشقه قیینچیلیکلریدن دېگن. شوکبی بوگزارشده کېلیشیچه عیالر حقوقی تۉغریسیده ملتلر ارا بېریلگن وعده لر یېترلی رعایت بۉلمسلیگی وشوکبی منبعلرنی ییغشگه بۉلگن تلاشلرگه تۉسیق یره تیلیشی اساسی قیینچیلیکلردن بۉلگن.

بیرلشگن ملتلر تشکیلاتی نینگ باش کاتبی مجمع عمومی نینگ ۱۱\۶۸ قطعنامه سی و خوف سیزلیک کېنگاشی نینگ ۲۷۲۷قطعنامه سی اساسیده هر اوچ آیده افغانستان وضعیتی وبو ماموریت نینگ عملگه آشیریلیشیدن بیرگزارش تیارله یدی.بو گزرش بیرلشگن ملتلر نینگ ۱۳می آییدن ۲۰۲۴ نینگ جولاییگچه بۉلگن انسان حقلری وانسان سېورلیک سیاسی تلاشلرینی اۉز ایچیگه آله دی.

 

دکمه بازگشت به بالا