خوفسیزلیک یامانلهشیشی و طالباننینگ خوفسیزلیکنی تأمینلش حقیدهگی دعوالری؛ لوگرده بیر عایله نینگ تۉرت اعضاسی اۉلدیریلدی
۸صبح، کابل: لوگر ولایتیدهگی طالبان محلی مسووللری معلوم قیلیشیچه، نامعلوم شخصلر اوشبو ولایتده بیر عایلهنینگ تۉرت اعضاسینی، جملهدن بیر عیالنی اۉلدیرگن.
لوگردهگی طالبان خوفسیزلیک مسووللری دوشنبه کونی، ۷- ثور، بو حادثه ولایت مرکزی پلعلم شهرینینگ «حصارک» حدودیده یوز بېرگنینی تصدیقلهگن.
اوشبو واقعهده بیر عیال، ۶۰ یاشلی بیر اېرکک، تخمیناً ۳۳ یاشلی بیر ییگیت و تخمیناً ۱۳ یاشلی بیر اۉسمیر اۉلدیریلگن.
بو قاتللیک نینگ سببی و عملگه آشیرگن شخصلر حاضرچه انیقلنمهگن.
طالبان نینگ ایتیشیچه، اوشبو واقعه بۉییچه بیر نېچته شبههلی شخصلر حبسگه آلینگن.
بو آرهده سۉنگگی کونلرده سِرلی قاتللیکلر و قوراللی تالانچیلیکلر کۉپهیگن.
نامعلوم قوراللنگن شخصلر اۉتگن کون سرپل ولایتیده طالبان قماقخانهسیدن آزاد قیلینگن بیر قبیله آقسقالینی اۉلدیرگن.
بوندن آلدین هم جوزجان ولایتی شبرغان شهریده ینه بیر قبیله آقسقالی نامعلوم شخصلر تامانیدن اۉلدیریلگن اېدی.
جنایتچیلیک نینگ آشیشی طالبان نینگ خوفسیزلیکنی تأمینلش حقیدهگی دعوالرینی کېسکین شبهه آستیگه قۉیگن.





