ویانا ییغینی اشتراک چیلری: افغانستان نینگ جاری وضعیت دن چیقریلیشی خصوصی ده گی لایحه نی ترتیب بیرماقده میز

۸صبح، ویانا: ویانا ییغینی ده گی اشتراک چیلردن بیری نینگ ۸صبح گه ایتیشیچه، اشتراک ایتگن ایرم سیاسی و حربی گروه لر، مملکت ده گی جاری وضعیت نی یخشی لش و دیموکراتیک بیر تیزیم نینگ اورنه تیش اوچون، عملی ایشلر یولگه قویلیشی خصوصی ده  گی لایحه نی قوریشماقچین.

ایرم سیاسی، مدنی، انسان حقوق فعاللری اشتراکی بیلن تورتینچی دور ییغین ایسه بوندن بیرآز اول جوزا آی نینگ ۴ ینچسی سی دوشنبه کونی، اتریش باشکینتی بولگن ویانا شهریده باشلندی.

اوزنینگ اسمی توتیلیشی نی ایسته مه  گن اشتراک چیلردن بیری ۸صبح روزنامه سیگه ایتیشیچه: ( دنیا بیلن کیلیشیش همده افغانستان نینگ بو وضعیت دن قوتقریب، دیموکرایتک بیز تیزیم نینگ اورنه تیش  اوچون عملی یول یوروغلر)، کوریلیشی ریجه لنماقده.

مذکور ییغین ده ایسه کمیده ۷۰ کیشی، ۴۰ سازمان، سیاسی حزب لر، حربی و مدنی کیشی لر داخل ایرم مستقل شخصلر و مطبوعات نماینده لری قتنشگن لر.

شونینگ دیک مذکور شخص، اشتراک چیلر: ( طالبان گروهی بیلن علاقه لرنی عادی لشتریش و اولرگه مشروعیت بیریش ایشلری، استراتیژیک بیر اشتباه دیب)، معلوم قیلگن لیک لرینی ایتدی.

شونینگ دیک عین دمده، مذکور ییغین ده بحث ایتیلیشی ریجه لنگن مهم مساله لردن بیری هم، دوحه ییغینی و مذکور ییغین ده عیاللر و سیاسی گروه لرنی حضوری بولمس لیگی همده انسان حقلری خصوصی ده بحث قیلینمس لیک موضوع لرگه قره تیلگن.

کمیده بیر هفته دن کیین  دوحه ده ۲۲ ممکلت اشتراکی بیلن، برلشگن ملت لر تشکیلاتی تمانیدن ریجه لنگن ییغین بولیب اوتیشی کوتیله دی. مذکور ییغین ده ایسه طالبان نماینده لری هم اشتراک ایتشلری معلوم قیلینگن.

دکمه بازگشت به بالا