سپنتا: طالبان امریکاگه یخشیراق خذمت قیلماقده‌لر

۸صبح، کابل: دونالد ترمپ نینگ بگرام هوا قونالغه‌سی اېگه‌للش حقیده‌گی تهدیدلریدن سۉنگ، افغانستان سابق تشقی ایشلر وزیری و مملکت سیاسی اربابلریدن بیری رنگین دادفر سنپنتا ایتدیکی، طالبان امریکاگه یخشیراق خذمت قیلماقده‌لر.

سپنتا جنابلری، ۳۱-سنبله، دوشنبه کونی، اۉزی نینگ ایکس صحیفه‌سیده، روسیه، امریکا و پاکستان نینگ افغانستان‌گه عاید یاندشوولرینی تنقید قیلدی.

او : «قریب اېلیک ییلدن بېری نوبتی بیلن، مسکودن، اسلام‌آباددن و واشنگتن‌دن کۉتریلگن هر بیر آواز بیزنی هیجانگه ساله‌دی؛ بعضیلریمیز امیدوار بۉله‌میز، باشقه‌لریمیز قۉرقیب کېته‌میز» دیب، قۉشیمچه‌ قیلدی.

او تأکیدله‌دی کی، افغانستان‌ده خارجی دولتلر نینگ موجودلیگیدن خلق اېنگ کۉپ ضرر کۉرگن.

سپنتا جنابلری، طالبان نینگ امریکا بیلن کېلیشووی یاکه کېلیشماوچیلیگی خلق نینگ حیاتینی یخشیلشگه تأثیر کۉرسه‌تمه‌یدی دیب، تاکید قیلدی.

مذکور سیاسی ارباب، طالبان حکمرانلیگیدن قوتولیش اوچون خبردارلیک، تشکیلاتچیلیک و خلق کوچیگه ته‌ینگن حالده حرکت قیلیش ضروردیر دیب، یازگن.

ایتیش کیره‌ک، سۉنگگی کونلرده دونالد ترمپ نینگ بگرام هوا قونالغه‌سی نی اېگه‌للش حقیده‌گی تهدیدلری اجتماعی ترماقلرده محاکمه‌ موضوعسی بۉلیب اوتماقده.

دکمه بازگشت به بالا