طالبان باسیمی و خلق نینگ وطنی ترک ایتیشلری؛ اوتکن اوچ آی جریانیده یرم میلیون کیشی اوز وطنلرینی ترک ایتگن لر
ییللر بویی افغانستان ده گی حاکمیت لر قولب ینگی حاکمیت لر اورنه تیلیشی عاقبتده کوپ گینه متخصص، ایش بیلارمان و درس و تعلیم کورگن کیشی لر مملکت نینگ ترک ایتیب، اوزگه اولگه لرگه قاچقین اولراق کیتماقده لر. بو معما ایسه مملکته تاریخی بویچه کوریلیب کیلینماقده دیر. بیراق مملکت ده حکومت اغدریلیب طالبان گروهی نینگ حاکمیت ده کیلیشی بیلن، مملکت ده گی استعدادلی متخصص لر و ایش بیلرمان کیشی لرنینگ قاچیب اوزگه اولکه لرگه کیتش لری نینگ ینگی باسقیچی کینگ کولمده باشلندی. بونگه ایسه اوشبو گروه نینگ سیاسی و اجتماعی باسیم لری همده خلق دن تورلی بهانه لربیلن اوچ آلیب کیله یاتگان لیکلری، شونینگ ایش سیزلیک و یشم طرز لرنی باشقه چه بولگن لیگی اساسی دلیل دیب ایتیلگن.
افغانستان ده گی کوتیلمه گن تاریخی اوزگرش لر، حاکمیت لرنینگ بیرمه بیر اغدریلیشی و ینگی حاکمیت لرنینگ یوزه گه چیقیشی ایسه مملکت ده گی ملی سرمایه لرنی قاچیش گه سبب بولیب کیلماقده دیر، اولردن بیری هم بو سونگی وقت لرده گی کابل هوا قونالغه سیدن قاچیب چیقیش گه موفق بولگن لر یقال مثال صفتیده کوریله دی. بیرلشگن ملت لر تشکیلات نینگ قاچقین لر مساله لری بویچه بولیم نینگ ایرم حساب لریگه کوره، جاری میلادی ییل نینگ باشله نیش دن حاضر گه قدر ۵۰۰ مینگه یقین خلق اوز اوی جایلرینی ترک ایتب مهاجرت عالم گه یوز توتگن لر، بونگه بولگن اساسی سببلرهم اقتصادی و اجتماعی معمالردن قاچیب امن و آسایشته بیر محل ده باریب یشش بولگن. بیراق عیاللرنینگ درس و تعلیم لری و ایش لش لری توغریسیده گی توسیق لر همده مملکت ده قانون نینگ حاکمیت سیزلیگی و خلق نینگ یشش و ایشلش لری اوچون کفالت موجود بولمه گن لیگی، بو کبی هجرت قیلیش لرگه سبب بولیب کیلماقده دیر.
شونینگ دیک طالبان حاکمیتده کیلیش لری بیلن، مملکت نینگ ترک ایتش نی ینگی باسقیچی باشلرکن، بو آره ده بیلیمدان کیشی لر، عالی اوقویورت ده گی اوقوتوچیلر، ژرنالیست و یازوچیلی همده تورلی ساحه لرده گی متخصص لر موجود وضعیت باعث، اوز اوی جایلرنی ترک ایتیب باشقه اولکه لرگه یوزتوتیش گه مجبور بولدیلر.
خلق ارا قاچقین لر مساله لری بویچه تشکیلات نینگ ینگی حسابات گه کوره، جاری میلادی ییلی اپریل آی نینگ باشله نیش دن ناق حاضر گه قدر کمیده ۵۳۲ مینگ و ۸۵۴ کیشی مملکت نینگ ترک ایتگن لر. مذکور تشکیلات نینگ معلوم قیلیشچه، بو خصوصده گی حسابات ده ایسه ۸۱ مینگ و ۲۹۹ کیشی بیلن صحبت قیلینگن. ایرم لر فقط گینه اقتصادی و اجتماعی مساله لر باعث ایمس، بلکی تداوی و عایله لرنی کوریش اوچون هم سفر قیلیش لری معلوم قیلینگن.
مذکور حسابات ده ایسه ایران گه کیته یاتگان کیشی لرنینگ کوپگینه سی نی دلیل لری اقتصادی قینتچیلیک لردیب بهالنگن بیراق پاکستان چیکره لرینی کیسیب اوته یاتگان لرایسه تداوی و عایله لرنی زیارت ایتش دیه قید ایتگن دیر.
قاچقین لر مساله لری بویچه تشکیلات نینگ ایتیشچه، مملکت ده قیته یاتگان لر سانی بیرینچی و ایککینچی آی لرگه نسبتا ۳۰ فایز آشگن بولیب بیراق مملکت نینگ ترک ایته یاتگان لرسانی ایسه ۱۹ فایز گه آشگن لیگی معلوم قیلینگن.
خبرلرگه کوره، اوشبو رقم ایسه ایرکک لر و عیاللر آره لریده فرقلی دیر، بیراق ۴۵ فایز عیاللر ایسه ۳۶ فایز ایرکک لرگه نسبتا ایش و اقتصادی معمالر اوچون ایرکک یقین قوم قرنداش لری بیلن سفر قیله یاتگان لیکلری قید ایتیلگن.
شونینگ دیک عین دمده اکثری یاشلر مملکت نینگ ترک ایتشلری دلیللرینی، دینی افراطی لیگی نینگ آشیب باریشی، ایش سیزلیک و قشاقلیک درجه لرینی آشیب باریشی و طالبان گروهی تمانیدن اورنه تیلگن چیکلاولر و قانون سیزلیک لردیب ایتگن لر. وطنلرینی ترک ایتیب کیله یاتگان یاشلرگه کوره، طالبان حاکمیتی آستیده گی اوشبوشرایط ده اوز کیله جگ لرینی قرانغو کوریب شو یوزدن یارقین بیر کیله جگ اوچون مملکت نینگ ترک ایتیب کیله یاتگان لیکلرینی ایتگن لر.
یقین لرده قاچاق یوللری آرقه لی جرمنی گه ایتیب کیلگن سید عمر، اوزنینگ ۸صبح بیلن بولگن صحبت ده: ( ایشلش زمینه لری نینگ بولمه گن لیگی، سرنوشت سیزلیک، خوف سیزلیک وضعیتی نی یمان لشگن لیگی، دیرلی مدنی بیر حیات نینگ بولمه گن لیگی، بوییرده قاچیب کیلیشیم گه سبب بولدی) دیب ایتگن.
اوشبو یاش ایسه اوزنینگ مقصد گه ایتیب باریش گه قدر کوپ گینه قینت چیلیگ لرنی باشدن کیچیرگن و حاضر هم یوللرگه کورگن مشقت لرنی ایسلیدی، بدن لریده گی یاره لرنینگ ایزی حال هم کوریلیب توریب تی و اورمان لرده گی باشدن کیچ گن رنج و علم لرنی ایسدن چیقرمیدی. بوییرگه کیلیشی اوچون تارتگن مشقت لراونتیلمس بیر خاطر دیه بهالیدی.
عمر ایسه طالبان خلق نینگ ایرکین لیگی نی قوللردن آلدی اوز اویی ملک لرنی حبس خانه توزتدی، شو یوزدن یاشلر اوز وطنلرنی ترک ایتشگه مجبور لر و وطن دن چیقیب بوییرلرگه کیلیش هم آسان کیچ مسلیگی نی ایته دی. اونگه کوره، اولر اولیم نینگ قبول قیلیب قاچاق یولی بیلن باشقه اولکه لر ساری یول آلیب کیله یاتگان لیکلرینی ایته دی.
شونینگ دیک عین دمده، اقتصادی مساله لر بویچه متخصص لر ایسه مملکت ده گی کینگ کولمده گی چیقیب کیتش لرنی، بویوک فاجعه دیب بهالیدی لر. قشاق لیک درجه لرنی آشیب باریشی، عیاللرنی درس و تعلیم لری همده ایش لری خصوصی ده گی چیکلاولر، اجتماعی ایرکین لیک لرنی موجود بولمه گن لیگی همده خوف سیزلیک وضعیتی نی ترنگلشیب باریشی بو کبی وضعیت لرگه سبب بولگن لیگی نی اورغوله شه دیلر.
افغانستان لیک اقتصاد بویچه متخصص آذرخش حافظی ایسه، یاشلرنینگ کینگ کولمده گروهی مهاجرت لریگه بولگن اساسی سبب لرنی، اقتصادی واجتماعی قینچلیکلر همده کیله جگ اوچون آیدین بیر امید بولمه گن لیگی دیب بهالیدی. خبر لرگه کوره هر کونی ۱۲ مینگ ته پاسپورت ترقه تیلماقده و یقین لرده ینگی بولیم لرهم آچیلگن. طالبان گروهی ایسه اوتکن ییلی فقط گینه پاسپورت دن ۱۲ میلیارد افغانی پول قولگه کیرتگن لری معلوم قیلینگن. بیراق یاشلرنی اوز وطنلرنی ترک ایتشلری بویوک فاجعه دیه بهالنماقده دیر.
شونینگ دیک حافظی جنابلری: ( هرییلی ۵۰۰ دن توتیب بیر میلیون گه قدر شهرلرده، دیموکراسی شیوه لریگه حیات کیچیریب کیلگن کیشی لر وطن لرینی ترک ایتماقده لر. بیراق اوز وطنلرنی ترک ایتگن کیشی لر اوز تخصص لری ساحه لرنی قویبریب تورلی آغر ایشلر نی قیلیش گه مجبور لر، بو وضعیت ایسه اوته اچنرلی دیر، بوکبی مساله مملکت نینگ کیله جگی اوچون هم اوته خوف لی بوله دی و یاش کدر لرنی بولمه گن لیگی کیله جگ ده یمان عاقتب لرگه آلیب کیلیشی ممکن) دیب ایضاح لیدی.
شونینگ دیک حافظی جنابلری نینگ ایتیشچه، مملکت ده قانون سیزلیک و ایش سیزلیک بو کبی وضعیت نی یوزه گه چیقیشی گه کوپراغ سبب بولگن.
اونینگ ایتیشچه: ( مملکت ده گی گروهی ترک ایتشلرنی الدی جدی آلینیشی لازم، بو ایسه یمان عاقبت لرگه آلیب کیلیشی ممکن، مملکت ایچکری سیده سیاسی همده اجتماعی تینچلیک نی برقرار ایتلیب، خلق نینگ درس و تعلیم و ایش لشلری اوچون تینگ حق و حقوق بیریلیشی لازم بوله دی. بوندی وضعیت دوام تارتگیدیک بولسه، کیله جگ ده اقتصادی احوال اوته ابگار بولیب اجتماعی وضعیت اوته ترنگله شیب بارشی احتماللری کوچلی دیر).
کوریلیشچه، مملکت دن گروهی مهاجرت ایسه ۱۳۵۸ ینچی ثور آی ده گی کودتا دن کیین باشلنگن دیر. مملکت ده ثبات نینگ دیرلی بولمه گن لیگی همده ایچکی اوروشلرنی دوام ایتشی، شونینگ دیک حزبی و قومی تارتشوولرنی سانی نینگ آشیب بارشی، بو کبی وضعیت لرنی تاباره یوزه گه چیقیشی گه سبب بولگن دیر.