طالبان پروان ولایتیده موسیقه بویوملرینی کویدیرگنلر
۸صبح، پروان: پروانده طالبلر امربه معروف ونهی ازمنکر ریاستی یوزلب موسیقه وموسیقه واېشتیش بویوملرینی کویدیرگنلر.
پروانده طالبلر امربه معروف ونهی ازمنکر رییسی مولوی رحمتالله زبیر نینگ ایتیشیچه دوشنبهکونی ۲۹اسد بیر ییل جریانیده اولرنینگ تامانیدن ییغیلگن موسیقه بویوملری گلغندی تپهسیده کویدیریلگن.
او پروان یشاوچیلریگه تۉی و خوشلیک مراسملریده موسیقهدن ایشآلمنگلردېب هشدار بېرگن.
موسیقه بویوملرینی کویدیریش طالبلرنینگ بیرینچی ایشی اېمس.
بوندن آلدینهم باشقه ولایتلر جملهدن هراتده موسیقه بویوملری کویدیریلگنلیگی گزارش بېریلگندی.
طالبلر افغانستانده قدرتگه یېتیشگندن سۉنگ قۉشیق قۉییش واېشیتیشنی حرام دېب منع اعلان قیلگندی.
طالبلرنینگ ایکی ییل حاکمیتی جریانیده مملکت شهرلریده موسیقه سېسی باشقه اېشیتیلمهیدی، یوزلب صنعتچی آرتسلر موسیقه بویوملرینی ساتیب یورتدن قاچیب چیققن یاهم آغیر ایشلرگه یوزکېلتیرگن.





