افغانستان اوچون مخصوص ایشانچ جمغرمهسی عیاللرنینگ اقتصادی امکانیتلرینی کېنگهیتیریش مهملیگینی تأکیدلهدی
۸صبح، کابل: افغانستان اوچون مخصوص ایشانچ جمغرمهسی (STFA) عیاللرنینگ اقتصادی امکانیتلرینی کېنگهیتیریش باشقه عیاللر اوچون هم ایش اۉرینلری و درآمد تاپیش امکانیتلرینی یرهتیشی ممکنلیگینی معلوم قیلدی.
اوشبو تشکیلات چهارشنبه کونی، ۱۳ عقرب، اعلان قیلگن حساباتیده، افغانستانده تدبیرکار عیاللرنی قۉللب-قوّتلش نهفقط اولرنینگ اقتصادی فعالیتینی کېنگهیتیریشی، بلکه باشقه عیاللرنینگ تعلیم آلیشی و مالیوی مستقللیککه اېریشیشیگه هم یاردم بېریشینی بیلدیرگن.
حساباتگه کۉره، ننگرهار ولایتیده بیر عیال اۉز اویینینگ آشخانهسیده توزلمه و مربّا ایشلب چیقریشنی باشلهگن. مالیوی یاردم و ضرور جهازلر بیلن تأمینلنگنیدن سۉنگ، او ایشلب چیقریش قوّتینی ۵۰ فایزگه آشیریشگه موفق بۉلگن.
حاضرده بو عیال محصولاتلرنینگ ینهده کېنگ تورینی ایشلب چیقرماقده. اونینگ محصولاتلری سوداسی محلی بازارلردن جلالآباد شهریدهگی ییریک سودا مرکزلریگچه کېنگهیگن.
افغانستان اوچون مخصوص ایشانچ جمغرمهسی اوشبو فعالیت باشقه عیاللر اوچون هم تعلیم آلیش و کسب-هنر اۉرگنیش امکانیتینی یرهتگنینی قۉشیمچه قیلگن. تعلیم آلگن عیاللرنینگ اَیریملری حاضرده اۉزلرینینگ کیچیک بیزنسلرینی یۉلگه قۉیگن.
تشکیلات بیر عیالنی قۉللب-قوّتلش باشقه عیاللر اوچون هم کۉپراق اقتصادی امکانیتلر یرهتیشی و اولرنینگ مالیوی مستقللیککه اېریشیشیگه زمینه حاضرلشینی تأکیدلهگن.




