طالبان خوست ولایتیده اجتماعی ترماقلرگه کیریشنی چېکلهدی
۸صبح، کابل: خوست ولایتیدهگی محلی منبعلر معلوم قیلیشیچه، اهالی نینگ اجتماعی ترماقلرگه، فیسبوک، مسنجر، اینستاگرام و ایکس ترماقلریگه کیریش امکانیتی چېکلنگن.
محلی منبعلر، ۱۶-میزان، چهارشنبه کونی، ۸صبح کوندهلیگیگه بېرگن معلوماتده ایتیشیچه، خوستدهگی انترنت تېزلیگی 2G درجهسیگه توشیریلگن، بو اېسه فایدهلنووچیلر آرهسیده ناراضیلیک و کۉپلب معمالرنی کېلتیریب چیقرگن.
اولر نینگ سۉزلریگه کۉره، ایریم حدودلرده انترنت جوده سست ایشلهماقده و علاقه اۉرنهتیش دېیرلی امکانسیز بۉلیب قالگن.
منبعلر شونینگدېک بیلدیرگنیچه، آدملر آوازلی خبرلرنی یوباریش یاکه قبول قیلیش امکانیدن هم محروم، بو قابلیتلر هم چېکلنگن.
شو بیلن بیرگه، ایریم عایلهلر ایتیشلریچه، ینگی چېکلاولر سببلی چېت اېلدهگی عایلهاعضالری بیلن ویدېو علاقه قیلیش امکانی یۉقالگن و بو حالت کۉپلب فایدهلنووچیلر نینگ ایش علاقهلریگه هم سلبی تاثیر کۉرسهتگن.
معلوماتلرگه کۉره، بعضی طالبان رهبرلری افغانستانده انترنتگه اېرکین کیریشنی چېکلش و عامهوی علاقه جریانلرینی اۉز نظارتلریگه آلیش یۉلیده حرکت قیلماقدهلر.





