لغمانده یۉل-ترانسپورت حادثه‌سیده اوچ کیشی جان بېردی

۸صبح، لغمان: طالبان لغمان ولایتیده یوز بېرگن یۉل-ترانسپورت حادثه‌سی عاقبتیده اوچ کیشی جان بېرگینی، ینه‌ اوچ کیشی اېسه یره‌لنگنینی معلوم قیلدی.

طالبان‌نینگ لغمانده‌گی ولایت خوفسیزلیک قوماندانلیگی مطبوعات خدمتی شنبه‌ کونی، ۶ سرطان، اوشبو حادثه‌ بوگون اېرته‌لب ساعت ۸:۰۰ اطرافیده «علیشینگ» اولسواللیگیده یوز بېرگنینی خبر قیلدی.

خبرگه کۉره‌، هیداوچی نینگ احتیاطسیزلیگی سببلی موتر اغدریلیب کېتگن و نتیجه‌ده اوچ کیشی جان بېریب، ینه‌ اوچ کیشی یره‌لنگن.

طالبان جان بېرگنلر و یره‌لنگلر مهترلام شهری مرکزی شفاخانه‌سیگه آلیب باریلگنینی ایتدی.

طالبان نینگ لغمانده‌گی خوفسیزلیک قوماندانلیگی هیداوچیلردن یۉل حرکتی قاعده‌لریگه رعایه‌ قیلیشنی همده‌ سفرگه چیقیشدن آلدین ترانسپورت واسطه‌لری نینگ تخنیکی حالتینی تېکشیریشنی سۉره‌دی. اولر نینگ تاکیدلشیچه، بو کبی حادثه‌لرنینگ آلدینی آلیش اوچون بونده‌ی احتیاط چاره‌لری ضرور.

دکمه بازگشت به بالا