تینچلیک کبوتری بیرلشگن ملتلر تشکیلاتی تامانیدن کورگزمه گه قوییلدی

بیرلشگن ملتلر تشکیلاتی «خلق‌ارا تینچلیک کونی» مناسبتی بیلن «تینچلیک کبوتری» ناملی پست نشانه‌سینی چیقردی.

بیرلشگن ملتلر تشکیلاتی، یکشنبه‌ کونی، ۲۱ -سپتامبر، ایکس‌ده یازیشیچه، اوشبو پُست نشانه‌سی امید، بیردملیک و تینچلیککه بۉلگن خلق‌ارا احتیاج حقیده انیق خبر یېتکزه‌دی.

شو بیلن بیرگه‌، بیرلشگن ملتلر تشکیلاتی نینگ باله‌لرنی قۉللب-قوتلش صندیغی (یونیسف) هم مذکور کون مناسبتی بیلن آدملر نینگ تینچلیک حقیده‌گی فکرلرینی اعلان قیلیب، تینچلیک فقط اوروش نینگ یۉقلیگی اېمس، بلکه‌ همه‌گه خوفسیز و قۉرقووسیز جمعیت یره‌تیش اېکنینی تأکیدله‌دی.

خلق‌ارا تینچلیک کونی بیرینچی بار، ۱۹۸۱ -ییلده بیرلشگن ملتلر تشکیلاتی نینگ عمومی مجمع‌سی تامانیدن بېلگیلنگن اېدی.

شو قرارگه کۉره‌، هر ییلی سپتامبر آیی نینگ اوچینچی هفته‌سیده، عمومی مجمع‌نینگ ییللیک ییغلیش باشلنیشی بیلن بیر وقتده، مذکور کون نشانلنیشی کېره‌ک اېدی.

اما، ۲۰۰۱ -ییلده بیرلشگن ملتلر تشکیلاتی نینگ باش عمومی مجمع‌سی ینگی قطع‌نامه قبول قیلیب، ۲۱-سپتامبرگه اۉزگرتیردی و بو کون بوتون دنیا بۉیلب صلح و زۉرآورلیکسیز کون صفتیده اعتراف اېتیلیشی لازملیگینی معلوم قیلدی.

دکمه بازگشت به بالا