جهان ساغلیقنی سقلش تشکیلاتی: افغانستانده اوچ میلیوندن آرتیق باله اۉتکیر تۉییب-آوقتلنمسلیک خوفی آستیده
۸صبح، کابل: جهان ساغلیقنی سقلش تشکیلاتی (WHO)معلوم قیلیشیچه، ۲۰۲۶-ییلده افغانستانده بېش یاشگچه بۉلگن قریب ۳.۷ میلیون باله اۉتکیر تۉییب-آوقتلنمسلیککه چهلینیشی پیشبینلیک قیلینماقده.
اوشبو تشکیلات سهشنبه کونی، ۱۲ جوزا، خبر بېریشیچه، اوشبو بالهلردن تخمیناً ۹۵ مینگ نفری ساغلیق بیلن باغلیق معمالر بیلن کېچهدیگن آغیر تۉییب-آوقتلنمسلیک حالتیگه دوچ کېلهدی و اۉز وقتیده دوالنمسه، بو اولرنینگ حیاتیگه تهدید سالیشی ممکن.
جهان ساغلیقنی سقلش تشکیلاتی ایتیشیچه، تۉییب-آوقتلنمسلیک انسانپرورلیک انقراضینینگ تاباره یامانلشووی بیلن بیر وقتده بوتون افغانستان بۉیلب بالهلر حیاتینی جدّی خوف آستیگه قۉیماقده.
تشکیلات تۉییب-آوقتلنمسلیکنینگ کوچهییشیگه سبب بۉلهیاتگن اساسی عامللر صفتیده اقتصادی معمالر، آزیق-آوقت خوفسیزلیگی نینگ یۉقلیگی، کسللیکلرنینگ تېز-تېز ترقهلیشی، اقلیم بیلن باغلیق ضربهلر همده ساغلیق و آزیقلنیش خدمتلریگه چېکلنگن کیریشنی کۉرسهتگن.
جهان ساغلیقنی سقلش تشکیلاتی شونینگدېک، افغانستانده ساغلیق و آزیقلنیش خدمتلرینی سقلب قالیش همده کېنگهیتیریش اوچون انسانپرورلیک یاردملری دوام اېتیشی ضرورلیگینی تأکیدلهگن.
مذکور تشکیلات آگاهلنتیریشیچه، دوالش و آزیقلنیش خدمتلریگه کیریش امکانیتی بۉلمسه، مینگلب بالهلر آغیر کسللیکلر و تۉییب-آوقتلنمسلیک عاقبتیدهگی اۉلیم خوفی آستیده قالهدی.
جهان ساغلیقنی سقلش تشکیلاتی، شونینگدېک، افغانستان انسانپرورلیک جمغرمهسی و ساغلیق همده آزیقلنیش ساحهسیدهگی باشقه همکارلریگه افغانستان بۉیلب بالهلر و ضعیف حدودلر اوچون حیاتنی سقلب قالووچی خدمتلرنی قۉللب-قوّتلهگنی اوچون منّتدارچیلیک بیلدیرگن.





