کۉک ارسلانلر ۸ ویکت تفاوت بیلن پاکستان‌نی مغلوب قیلدیلر
دنیا قهرمانلیگی نینگ ۵۰ اوره کرکت مسابقه‌لریده افغانستان ملی تیمی پاکستان گه غلبه قیلدی.
ایکی تیم نینگ بېلّشووی دوشنبه ۲۳ اکتوبر هندوستان نینگ چیدامبارام اۉیین گاهیده اۉتکزیلدی.
اوشبو بېلشوو پاکستان کرکتچیلری توپ تشلشی بیلن باشلندی. ۵۰ آوره مسابقه‌ده افغانستان گه ۲۸۳ یوگیریش هدف قیلیب بېلگیلندی.
بېلشوو جریانیده ملی کییمده‌گی افغانستان کرکتچیلری ایکی اۉیینچیلری میداندن چیقیشی بیلن قیرق تۉقیزینچی آوره‌ده بېلگی‌لنگن هدف گه اېریشدیب، مسابقه غالبی بۉلدیلر.
اوشبو بېلشووده ابراهیم زدران افغانستان اوچون ۲۷ مرته یۉگیریش قیلیب، اېنگ یخشی اۉیینچی دېب بېلگیلندی.
مملکت کرکت ملی تیمی بېشینچی مرته دیر که، دنیا قهرمانلیگی نینگ ۵۰ اوره مسابقه‌لریده قتنشه‌دی.
مملکت ملی کرکت تیمی بوندن آلدین اۉتکزیلگن تۉرت بېلشووده بیر مرته غلبه قازانیب اوچ مرته مغلوب بۉلگن اېدی.
افغانستان ملی کرکت تیمینی ۳۰ -اکتوبرده سریلانکا بیلن مسابقه اۉتکزیشی کوتیله‌دی. شونینگدېک اوچینچی نوامبرده هالند تیمی بیلن بېلشوو اۉتکزیشی کوتیله‌دی.