قندهار ده پارتلش؛ طالبان نینگ بیر قوماندانی شامل آلتی کیشی هلاک بولگن
۸صبح، قندهار: قندهار ولایتیده‌گی منبعلر، اوشبو ولایت مرکزیده ییرلشتیریلگن ماین پارتلشی عاقبتیده طالبان نینگ بیر قوماندانی شامل آلتی کیشی هلاک بولیب و باشقه تورت کیشی یره‌لنگنینی معلوم قیلگنلر.
منبعلر نینگ ۸صبح کونده‌لیگیگه ایتیشلریچه، بو پارتلش ۳۱ ثور، دوشنبه کونی بامداد چاغی ساعت ۷:۰۰ اطرافیده قندهار شهری «کابل بیکتی» ده یوز بیرگن.
منبعلر گه کوره، اوشبو پارتلش «کراچی» ده ییرلشتیریلگن اېکن.
شو بیلن بیرگه، قندهار ده طالبان امنیه قوماندان‌لیگی بو واقعه ده بیر کیشی هلاک بولیب و اوچ کیشی یره‌لنگنینی اېتگن.
اوشبو پارتلش مسوولیتینی حاضرگچه هېچ کیم یا گروه تن آلمه‌گن.
اوشبو ییل ۲ حمل ده پنج‌شنبه کونی قندهار شهری نینگ بیرینچی ناحیه حدودلریده اۉیوشتیریلگن خودکش هجومده، طالبان بیش عملداری شامل ۴۵ کیشی هلاک بولیب و ۵۶ کیشی یره‌لنگن اېدیلر.
کابل بانک ولایتی اداره‌سی یقینیده اۉیوشتیریلگن هجوم مسوولیتینی داعش گروهی تن آلیب و بو گروه نینگ هجومچیلری خودکش کمربندینی طالبان اعضالری نینگ قریب ۱۵۰ کیشی‌لیک جمعیتی اۉرته‌سیده پارتلتگن اېدی.
