امریکا ایران دن حوثی‌لر گه قورال-یراغ یوباریشنی توخته‌تیشینی سۉره‌دی
امریکا قۉشمه ایالتلری ایران دن یمن حوثی‌لری گه «مثل‌سیز» حربی قورال-یراغ یوباریشینی توخته‌تیشنی سۉره‌دی بو قورال-یراغ‌لر قیزیل دینگیز ده کېمه‌لر گه «مسوولیت‌سیز هجوملر» دوام اېتیشی گه سبب بوله‌دی.
اسوشیتدپرس آژانسی نینگ معلوماتی اساسیده، بیرلشگن ملتلر تشکیلاتی خوفسیزلیک کینگشیده امریکا وکیلی نینگ اۉرین باسری رابرت وود بو بیانات نی ۱۳ می، دوشنبه کونی اوشبو کینگش نینگ ییغیلیشیده بیان قیلگن.
اونینگ ایشانچی گه کوره، بیرلشگن ملتلر تشکیلاتی خوفسیزلیک کینگشی یمن ده ایچکی اوروش‌لر گه چېک قوییلیش طرفداری بولسه، ایران گه یمن حوثی‌لرینی یاشیرینچ قۉللب-قوتلشی گه چېک قوییش اوچون آگاه‌لنتیریشی کېرهک.
رابرت نینگ کوپه‌یتیریشیچه: «کېنگ کوملی دلیل‌لر بار که ایران بیرلشگن ملتلر تشکیلاتی تحریملرینی نقض اېتیش بیلن، زمانه‌وی قورال جمله دن بالستیک و کروز راکته‌لرینی حوثی‌لر گه یاردم بیره‌دی. شونینگ اوچون بیرلشگن ملتلر تشکیلاتی خوفسیزلیک کینگشی قورال-یراغ تحریملر نقض اېتیلیشی گه قرشی توخته‌‌ب و تحریملر ناقض‌لری گه قرشی اقدام قیلیشی کېرهک.»
حوثی‌لر گه کوره، اولر اسراییل نینگ غزه ده‌گی هجومی که فلسطین‌لیک ۳۵ مینگ دن آرتیق کیشی نینگ اۉلیمی گه ضامن بولگن، چېک قوییش گه باسیم کېلتیریش اوچون قیزیل دینگیز و خلیج عدن ده خلق‌ارا کېمه‌لرنی نشانگه آلماقده‌لر.
امریکا قۉشمه ایالتلری نینگ دریا ایشلری بوییچه اداره‌سی اپریل سونگی کون‌لریده، حوثی‌لر اۉتگن ییل نوامبر آی دن حاضرگه قدر خلق‌ارا کېمه‌لر گه قرشی ۵۰ دن آرتیق هجوم اۉیوشتیرگن و بیر کېمه‌نی قولگه آلیب و باشقه بیر کېمه‌نی چوکتیرگنلرینی معلوم قیلگن.
شو بیلن بیرگه، سۉنگی هفته‌لر اخریده حوثی‌لر نینگ هجومی قیزیل دینگیز ده امریکا قۉشمه ایالتلری ییتکچیلیگیده خلق‌ارا ایتلاف اقداملری نتیجه‌سیده کمه‌یگن.
امریکا کوچلری حاضرگه قدر یمن ده حوثی‌لر نینگ اویه‌لری گه اېریم هجوم اۉیوشتیریب و اولر نینگ یوزلب پهپاد و آتیلگن راکته‌لرینی یوق اېتگن.
