ایران دولت هیأتی: مملکت باشقرووی ده زره‌چه ترتیب‌سیزلیک بولمه‌یدی
ایران جمهور باشلیغی ابراهیم رییسی و همراه‌لری نینگ تیک‌اوچر قولشی عاقبتیده هلاک بولیشیدن سۉنگ، اوشبو مملکت دولت هیأتی فوق‌العاده ییغیلیش اۉتکزگن.
صداوسیما آژانسی ۲۰ می، دوشنبه کونی «ایران دولت هیأتی» بیانیه‌سیدن نقل قیلیب یازیشیچه، «مملکت باشقروویده زره‌چه ترتیب‌سیزلیک» بولمسلیگینی بیلدیرگن.
بو هیأت توپراققه تاپشیریش مراسمی و باشقه مسأله‌لر حقیده قرار آلیشی کوتیله‌دی.
بوندن آلدین ایران مذهبی رهبری علی خامنه‌ای بو مملکت اهالیسی گه دولت ایشلریده زره‌چه ترتیب‌سیزلیک بولمسلیگیدن ایشانچ بیرگن اېدی.
ایتیش کېره‌ک که ایران جمهور باشلیغی سیدابراهیم رییسی، تشقی ایشلر وزیری حسین امیر عبداللهیان و تبریز جمعه امامی آیت‌الله آل‌هاشم مذکور مملکت شرقی آذربایجان ولایتی تاغلی منطقه‌سیده تیک‌اوچرلری قولشی عاقبتیده هلاک بولگنلر.
معلومات‌لر اساسیده، رییسی نینگ تیک‌اوچری تاغ بیلن توقنشیب و قولب-توشگن.
