غور ده طالبان نینگ بیر حربی تیک‌اوچری قولشی عاقبتیده بیر کیشی هلاک بولیب و ۱۰ کیشی یره‌لندی
۸صبح، غور: غور ده‌گی محلی منبعلر نینگ ایتیشلریچه، اوشبو ولایتده طالبان نینگ بیر حربی تیک‌اوچری قولشی عاقبتیده کمیده بیر کیشی هلاک بولیب و ۱۰ کیشی یره‌لنگن.
منبعلر نینگ ۸صبح کونده‌لیگیگه ایتیشلریچه، بو تیک‌اوچر ۲۶ ثور، چهارشنبه کونی توشدن آلدین ساعت ۱۰:۲۰ اطرافیده فیروز کوه شهری حدودلری هریرود دریاسی یقینیده قولب توشگن.
منبعلر اوشبو واقعه طفیلی یره‌لنگنلر نینگ احوالینی آغیر دیگنلر.
طالبان نینگ بو حربی تیک‌اوچری قولب توشیش سببی حاضرگچه انیقلنمه‌گن.
طالبان بوتوغریده حاضرگچه فکر-ملاحظه بیلدیرمه‌گنلر.
اۉتگن ییل ثور آی ده سمنگان ولایتی خلم تومنیده طالبان نینگ بیر حربی تیک‌اوچری قولب توشگن اېدی.
حاضرگی کونده طالبان افغانستان سابق حکومتی اردوسی گه عاید تیک‌اوچرلردن قوللنماقده.
ایتیلیشیچه، چیت‌ایللیک کوچلر اوشبو تیک‌اوچرلردن بیرقطارینی مملکت نی ترک اېتیش پیتیده بوزگن اېدیلر، بیراق طالبان اوشبو حربی تیک‌اوچرلردن بیرقطارینی تعمیرله‌گنلرینی معلوم قیله‌دیلر.
