8صبح، کابل: سمیون گریگوریف، سفیر روسیه در تاجیکستان، میگوید که ناتو کشوری را پشت سر گذاشت که اکنون به پایگاه «گروههای تروریستی بینالمللی» تبدیل شده است.
سفارت روسیه در تاجیکستان با نشر پیام گریگوریف در صفحه فیسبوکش نوشته که او این سخنان را روز چهارشنبه، 26 دلو، در مراسمی که به مناسبت سالگرد خروج نیروهای شوروی پیشین از افغانستان برگزار شده بود، بیان کرده است.
او افزوده است که «تروریستها» در مرز افغانستان و تاجیکستان جابهجا شدهاند و امنیت همه کشورهای مشترکالمنافع و سازمان پیمان امنیت جمعی را تهدید میکنند.
نامبرده خاطرنشان کرده که امروز پایگاه نظامی ۲۰۱ روسیه در تاجیکستان، ضامن امنیت نهتنها تاجیکستان، بلکه تمام متحدان خود است.
این در حالی است که روز گذشته اناتولی سیدروف، رییس ستاد مشترک سازمان پیمان امنیت جمعی نیز گفته بود که دستکم چهار هزار جنگجوی داعش در نزدیکی مرز افغانستان با تاجیکستان مستقر شدهاند.
گفتنی است که پایگاه نظامی ۲۰۱ یکی از بزرگترین مراکز نظامی روسیه در خارج از این کشور است که در تاجیکستان و در نزدیکی مرز با افغانستان قرار دارد.
بیشتر بخوانید:
سیدروف: چهار هزار جنگجوی داعش در نزدیکی مرز افغانستان با تاجیکستان بسیج شدهاند
تاجیکستان از آمادهگی کامل برای محافظت از مرزش با افغانستان خبر داد